اترپردیش اردو اکادمی کے ذریعہ وظائف کے لیے درخواستیں طلب

لکھنؤ: اترپردیش اردو اکادمی نے ریاست کے تسلیم شدہ اسکولوں اور کالجوں میں ریگولر طلباء و طالبات کے لئے جو اردو ایک اختیاری مضمون لے کر درجہ چھ تا۱۲ تعلیم حاصل کر رہے ہے ،سے مقررہ فارم پر وظیفہ کے لئے درخواستیں طلب کی ہیں۔ انہیں طلباء و طالبات کے درخواست فارموں پر غور کیا جائے گاجنہوں نے اپنا گذشتہ سالانہ امتحان اردو مضمون کے سا تھ کم از کم ۵۰ فی صد نمبر اور مجموعی طور پر کم از کم ۴۵ فی صد نمبروں سے پاس کیا ہو۔ فارم جمع کرنے کی آخری تاریخ ۳۱؍اگست،۲۰۲۳ء؁ شام۵ بجے تک ہے۔ درخواست فارم سکریٹری اترپردیش اردو اکادمی وبھوتی کھنڈ گومتی نگر لکھنؤ سے ٹکٹ لگا لفافہ جس پر نام و پتہ صاف صاف درج ہو ، بھیج کر یا دفتری اوقات میں اکادمی سے مفت حاصل کیا جاسکتا ہے ۔ فارم اکادمی کی ویب سائٹ WWW.upurduakademi.inسے بھی ڈاؤن لوڈ کیا جاسکتاہے۔ یہ وظیفہ اردو تعلیم کے فروغ کے لئے ہے اورمیرٹ کی بنیاد پر دیا جاتا ہے۔ مقررہ تاریخ کے بعد موصولہ درخواست فارموں اور نامکمل فارموں پر غور نہیں کیا جائے گا۔ یہ خبر ایس۔ایم عادل حسن ، سکریٹری اردو اکادمی نے دی ہے۔