گیا میں آرمی کا طیارہ گر کر تباہ، دونوں پائلٹ محفوظ

گیا، 05 مارچ (یو این آئی) بہار کے ضلع گیا میں بودھ گیا بلاک کے بگداہا گاؤں کے نزدیک آج فوج کا چھوٹا طیارہ اچانک گر گیا۔
ذرائع نے بتایا کہ چھوٹے طیارے نے گیا کے پہاڑ پور گاؤں کے نزدیک واقع آفیسرز ٹریننگ اکیڈمی (او ٹی اے) سے ٹریننگ کے دوران اڑان بھری تھی لیکن کچھ دیر بعد تکنیکی خرابی کی وجہ سے طیارہ بگداہا گاؤں کے گندم کے کھیت میں گر گیا۔ طیارے میں ایک خاتون اور ایک مرد پائلٹ سوار تھے۔
ذرائع نے بتایا کہ گاؤں والوں نے دونوں پائلٹ کو طیارے سے باہر نکالا۔ اس کے بعد پائلٹ نے اس کی اطلاع آفیسر ٹریننگ اکیڈمی کو دی، اکیڈمی کے افسران موقع پر پہنچے اور طیارے کے پرزوں کو واپس لے گئے۔