بی جےپی دھوکے باز پارٹی ہے:شیوپال

فرخ آباد:22اپریل(یواین آئی)سماج وادی پارٹی(ایس پی) کے جنرل سکریٹری شیوپال سنگھ یادو نے پیر کو کہا کہ بی جے پی دھوکے باز پارٹی ہے۔ضلع ہیڈکوارٹر سے تقریبا 22 کلومیٹر دور قصبہ محمد آباد روہلا چوراہے کے نزدیک انڈیا اتحاد ایس پی امیدوار ڈاکٹر نول کشور شاکیہ کی حمایت میں منعقد انتخابی ریلی سے خطاب کرتے ہوئے انہوں نے کہا کہ بی جے پی دھوکے بازی پارٹی ہے اور اس دھوکے باز پارٹی نے ملک و ریاست کی عوام کو گمراہ کرنے کے علاوہ عوام کے مفاد میں کوئی کردار نہیں ہے۔انہوں نے کہا کہ صرف عوام کو پریشان کیا گیا اس لئے اس الیکشن میں بی جے پی پوری طرح سے بوکھلانے لگی ہے۔ جن سنگھ پارٹی کے پرانے لوگ ہی بی جے پی کے ہیں، کا ذکر کرتے ہوئے سپا جنرل سکریٹری نے الزام لگایا کہ بی جے پی کے لوگ جھوٹے ہیں انہوں نے جنتے کام کئے ہیں وہ سب ملکی مفاد میں نہیں ہے۔
اس الیکشن میں بی جے پی کی وداعی کو یقینی ہونے کا دعوی کرتے ہوئے انہوں نے کہا کہ عوام کو پریشان کرنے والی حکومت کو اکھار پھینکنے والا یہ الیکشن قومی مفاد میں انڈیا اتحاد کو جتانا بہت ضروری ہے۔فرخ آباد لوک سبھا الیکشن میں 13مئی کو ہونے والی ووٹنگ کا ذکر کرتے ہوئے ایس پی کے سینئر لیڈر نے کہا کہ اتحاد کے کارکن متحد ہوکر بہتر سلوک کے ساتھ گلی گلی محلہ پہنچے کو ووٹو ں کو نکالنے کی ذمہ داری کو نبھائیں۔ انہوں نے انڈیا اتحاد سے ایس پی کے امیدوار ڈاکٹر نول کشور شاکیہ کو بھاری ووٹوں سے کامیاب بنانے کی اپیل کی۔