ممبئی: بالی ووڈ کے اداکار و پروڈیوسر آفتاب شیودسانی روحانیت کی تلاش میں آیا صوفیہ پہنچ گئے۔فوٹو اینڈ ویڈیو شیئرنگ پلیٹ فارم انسٹاگرام پر اداکار نے ترکیہ کے دارالحکومت میں قائم تاریخی مسجد ’آیا صوفیہ‘ سے اپنی چند تصاویر شیئر کی ہیں۔
انہوں نے اپنی پوسٹ کے کیپشن میں لکھا کہ ’ دین پیغمبر کی پیروی کرتا ہے، روحانیت پیغام کی پیروی کرتی ہے‘۔انہوں نے امن اور محبت و احترام کے ہیش ٹیگ بھی استعمال کئے، اداکار کی آیا صوفیہ سے شیئر کی گئی ان تصاویر کو سوشل میڈیا صارفین بے حد پسند کر رہے ہیں۔
‘Religion is following the messenger,
— Aftab Shivdasani (@AftabShivdasani) September 17, 2023
Spirituality is following the message.’ ????✨☮️ #loveandrespect #peace #ayasophia #istanbul pic.twitter.com/RTgPc9GeJP
دوسری جانب صارفین کی بڑی تعداد اداکار کی مسجد سے شیئر کی گئی ان تصاویر کو دیکھ کر ان کے دین کے حوالے سے کشمکش میں مبتلا ہوگئے کہ اداکار دین اسلام کی پیروی کرتے ہیں یا ہندو مذہب کی۔ خیال رہے کہ آفتاب شیودسانی کا تعلق ہندو مذہب سے ہے ان کے والد سندھی ہندو خاندان سے تعلق رکھتے ہیں جبکہ ان کی والدہ ایرانی پارسی گھرانے سے تعلق رکھتی ہیں۔
