نئی دہلی، 11 جولائی (یواین آئی) مرکزی حکومت نے متنازعہ انڈین ایڈمنسٹریٹو سروس ٹرینی آفیسر پوجا منورما دلیپ کھیڈکر کی تقرری سے متعلق تنازعات کی تحقیقات کے لیے ایک رکنی کمیٹی تشکیل دی ہے۔عملہ اور عوامی شکایات اور پنشن کی مرکزی وزارت نے جمعرات کو کہا کہ حکومت نے ٹرینی افسران کی تقرری سے متعلق تنازعات کی تحقیقات کے لیے مرکزی حکومت میں ایڈیشنل سکریٹری کے عہدے کے ایک سینئر افسر کی قیادت میں ایک تحقیقاتی کمیٹی تشکیل دی ہے۔ یہ کمیٹی دو ہفتوں میں اپنی رپورٹ حکومت کو پیش کرے گی۔قابل ذکر ہے کہ محترمہ کھیڈکر اپنے کام کرنے کے انداز اور غیر معقول مطالبات کے بعد سرخیوں میں آئی تھیں۔ رپورٹس میں یہ بھی الزام لگایا گیا ہے کہ اس نے جعلی دستاویزات کی بنیاد پر آئی اے ایس کا امتحان پاس کیا ہے۔
