دہلی: پانچویں جماعت تک کے اسکول 10 نومبر تک بند

نئی دہلی، 5 نومبر ( یو این آئی ) قومی راجدھانی میں آلودگی کی بڑھتی ہوئی سطح کو دیکھتے ہوئے دہلی حکومت نے پانچویں جماعت تک کے اسکولوں کو 10 نومبر تک بند رکھنے کا فیصلہ کیا ہے۔دہلی کے وزیر تعلیم آتشی نے 10 تاریخ کو اسکول بند رکھنے کی اطلاع دی۔ انہوں نے کہا کہ چونکہ آلودگی کی سطح میں مسلسل اضافہ ہورہا ہے، اس لیے دہلی میں پرائمری اسکول 10 نومبر تک بند رہیں گے۔انہوں نے کہا کہ اسکولوں کو چھٹی سے بارہویں جماعت تک آن لائن شفٹ ہونے کا اختیار دیا جا رہا ہے۔
واضح رہے کہ بڑھتی ہوئی آلودگی کی وجہ سے دہلی حکومت نے جمعہ اور ہفتہ کو تمام پرائمری اسکولوں کو بند کر دیا تھا۔واضح رہے کہ ارضیاتی سائنس کی وزارت کے سفر-انڈیا ہوا کے معیار کے مطابق، دہلی میں آج اوسط اے کیو آ 346 ہے جو انتہائی خراب زمرے میں آتا ہے۔ آلودگی کی سطح کل 352 کے اوسط اے کیو آئی کے ساتھ مزید بڑھنے کا امکان ہے۔اس کے علاوہ تعمیرات اور انہدام کے کاموں پر پہلے ہی پابندی عائد ہے۔ نیز، بی ایس-3 پٹرول اور بی ایس-4 ڈیزل ایل ایم وی (4 پہیہ گاڑیوں) کے چلانے پر پابندی عائد کر دی گئی ہے۔