ترکیہ میں سفارت خانہ کی گاڑی سے منشیات برآمد

انقرہ: ترک حکام متنازع ذرائع سے تقریباً 55 کلو گرام ممنوعہ کوکین ملک میں لانے کی کوشش کی تحقیقات جاری رکھے ہوئے ہیں۔ ترکیہ کی سرحدی پولیس نے ترکیہ اور بلغاریہ کے علاقوں کو ملانے والی ایک کراسنگ پر ایک سفارتی کار کو روکا تو تلاشی کے دوران اس سے منشیات برآمد ہوئی تھی۔ ترک میڈیا کی جانب سے شائع کی گئی تفصیلات میں بتایا گیا ہے کہ منگل کے روز دو افراد نے ایک سفارتی گاڑی کے ذریعے 54 کلو اور 912 گرام کوکین لانے کی کوشش کی جو صوبہ ادرنہ کے کاپی کول سرحدی دروازے سے ترکی کی حدود میں داخل ہوئی۔
اطلاعات کے مطابق سفارتی گاڑی جنوبی امریکی ملک کے سفارت خانے کی ہے اور یہ بلغاریہ کے دارالحکومت صوفیہ سے روانہ ہوئی تھی اور اس میں کوکین برآمد ہوئی تھی۔کسٹم ٹیموں کو باقاعدہ تلاشی کے بعد اس گاڑی سے کوکین کی یہ مقدار ملی تھی جس کی وجہ سے اس گاڑی میں سفر کرنے والے دو افراد کو حراست میں لے لیا گیا۔
العربیہ ڈاٹ نیٹ کی معلومات کے مطابق دونوں افراد میں سے کسی کے پاس بھی ترک شہریت نہیں ہے تاہم ترکیہ بہر حال ان کے بارے میں تحقیقات جاری رکھے گا۔بارڈر پولیس کی جانب سے شروع کی گئی تحقیقات مکمل ہونے کے بعد ڈرائیور اور اس کے ساتھ موجود شخص کو عدالت میں منتقل کیا جائے گا۔ پچھلے ذرائع کے مطابق وہ اب بھی حراست میں ہیں۔ترکیہ کی وزارت داخلہ کے تازہ ترین اعدادوشمار جس کی ایک نقل بیانیٹ ویب سائٹ نے شائع کی ہے۔ گذشتہ سات سالوں کے دوران منشیات کی اسمگلنگ اور اسمگلنگ کے جرائم میں گرفتار یا سزا پانے والے افراد کی تعداد 36,000 سے بڑھ کر 128,000 ہوگئی ہے۔