نئی دہلی،14اپریل(یو این آئی) ماہ رمضان امبارک کا مہینہ اختتام پذیر ہونے کے بعد شوال مکرم کے مہینے کا آغاز ہونے کے ساتھ ہی ملک بھر میں عید ملن تقاریب کا سلسلہ شروع ہوگیا ہے اسی تناظرمیں ہفتے کو آل انڈیا یونانی طبی کانگر یس (دہلی ) کی جانب سے ذاکر نگر میں عید ملن کا پروگرام منعقد ہوا جس میں راجدھانی بھر سے یونانی ڈاکٹرس نے شرکت کی اس موقع پرڈاکٹر سید احمد خان نے کہا کہ عید ملن کی تقریب سوشل ہیلتھ کا بہترین ذریعہ ہے ۔ اپنے حلقہ اور پڑوسیوں کو اس میں شامل کرکے جہاں ایک طرف آپسی بھائی چارہ کا پیغام عام کیا جاتا ہے وہیں دوسرا پہلو سوشل ہیلتھ کا فریضہ بھی تکمیل کو پہنچتا ہے ۔انہوں نے کہا کہ کسی کے بھی تقریب منعقد کرنے کا
کوئی نہ کوئی مقصد ہوتا ہے اور اس طرح کی تقاریب میں شرکت کر شرکاءمثبت پیغام بھی لے کر جاتے ہیں جنہیں عام کرنے سے معاشرہ استفادہ حاصل کرسکتا ہے۔ڈاکٹر احسان احمد صدیقی نے کہا کہ عید ملن تقریب ہمیں آپس میں خوشیاں بانٹنے کا موقع فراہم کرتی ہیں ۔انہوں نے کہا کہ اس طرح کی تقریبات کے انعقاد سے ہمیں آپس میں اتحاد قائم کرنے کی ترغیب دیتی ہیں ۔
اس عید ملن تقریب کی ضیافت طبی کانگریس دہلی اسٹیٹ کے نائب صدر ڈاکٹر احسان احمد صدیقی اور ڈاکٹر فیضان احمد صدیقی سکریٹری و ¿ل انڈیا طبی کانگریس دہلی اسٹیٹ نے کی ۔اہم شرکاءمیں حکیم آفتاب عالم ،حکیم محمد مرتضیٰ دہلوی اور ڈاکٹر فہیم ملک کے نام قابل ذکر ہے ۔ اخیر میں ڈاکٹر احسان صدیقی نے تمام شرکاءکا شکریہ ادا کیا ۔
