سانبہ کے جیرڈہ گاوں میں اپنی پارٹی کی میٹنگ، سرحدی مکینوں کے مسائل پر غوروخوض
سانبہ:اپنی پارٹی کے صوبائی صدر جموں اور سابقہ مرکزی وزیر سردار منجیت سنگھ نے مطالبہ کیا ہے کہ بے گھر افراد کے حق میں مالی پیکیج واگذار کیاجائے۔
ضلع سانبہ کے گاوں جیرڈہ میں منعقدہ ایک اجلاس میں منجیت سنگھ نے کہاکہ حکومت ِ ہند نے ڈس پلیسڈ پرسنزکے حق میں 25/30لاکھ روپے فی کنبہ منظور کئے تھے جنہیں سرحدی علاقوں میں کشیدہ حالات کی وجہ سے اپنے ابا واجداد کی املاک چھوڑمحفوظ مقامات منتقل ہونا پڑا۔ حکومت نے انہیں مختلف مقامات پر آباد کیا جن کے حق میں سابقہ حکومت نے 25/30لاکھ روپے کا مالی پیکیج منظور کیاتھا جس میں سے فی کنبہ 5.5لاکھ روپے ملے ہیں باقی رقم پچھلے نوسالوں سے نہیں دی گئی۔انہوں نے حکومت نے ان لوگوں کے ساتھ امتیازی سلوک روا رکھا ہے۔ انہوں نے کہاکہ بے گھرافراد کی مشکلات کا ازالہ اِس معاوضہ سے نہیں کیاجاسکتا لیکن اِس سے ُانہیں کچھ راحت ملتی لیکن حکومت کا رویہ مایوس کن ہے۔اپنی پارٹی لیگل سیل ضلع صدر سانبہ ایڈووکیٹ ساہل بھارتی نے بھی اس موقع پر اپنے خیالات کا اظہار کیا ۔ انہوں نے مطالبہ کیاکہ اسمبلی حلقہ رام گڑھ کے گاو ¿ں میں ہر جگہ نہر کا پانی پہنچایاجائے تاکہ وہاں پرلوگوں کو آبپاشی سہولیات دستیاب ہوں۔ انہوں نے کہاکہ غیر اعلانیہ بجلی کٹوتی کی وجہ سے کسانوں کو آبپاشی سہولیات دستیاب نہیں ہورہیں۔
