سابق وزیراعلی مہاراشٹراشوک چوان کانگریس سے مستعفی

ممبئی، 12 فروری (یو این آئی) مہاراشٹر کے سابق وزیر اعلی اشوک چوان نے پیر کو کانگریس پارٹی کی بنیادی رکنیت سے استعفیٰ دے دیا ان کے بھارتیہ جنتا پارٹی (بی جے پی) میں شمولیت کا امکان ہے مسٹر چوان نے اس سلسلے میں پارٹی کے ریاستی صدر نانا پٹولے کو خط لکھا ہے اور اسمبلی کی رکنیت سے اپنا استعفیٰ ریاستی اسمبلی کے اسپیکر راہل نارویکر کو بھیجا ہے حالیہ برسوں میں کانگریس پارٹی کو مہاراشٹر کی سیاست میں سلسلہ وار دھچکے لگے ہیں کیونکہ ملند دیوڑا، بابا صدیقی اور الہاس پاٹل سمیت کئی اہم پارٹی لیڈروں نے پارٹی چھوڑ کر بی جے پی، نیشنلسٹ کانگریس پارٹی اور شیو سینا کے شنڈے دھڑے میں شمولیت اختیار کی ہے۔
ذرائع کے مطابق مسٹر چوان موجودہ ایم ایل اے سمیت کچھ بڑے لیڈروں کے ساتھ بی جے پی میں شامل ہو سکتے ہیں۔ اس کے ساتھ ہی پورے مہاراشٹر میں سیاسی ہلچل تیز ہوگئی ہے۔مہاراشٹر کے نائب وزیر اعلی دیویندر فڑنویس اور بی جے پی کے ریاستی صدر آشیش شیلار بی جے پی کے دفتر پہنچ گئے ہیں۔ادھر مہاراشٹر کانگریس کے صدر نانا پٹولے دہلی روانہ ہو گئے ہیں۔