ہندوستانی وزیر خارجہ کی ترکیہ کے ہم منصب سے ملاقات

نیویارک(ایم این این) ترکیہ کے صدر رجب طیب اردغان کے جنرل اسمبلی کے خطاب میں کشمیر کا غیر جانبدارانہ حوالہ دینے کے چند گھنٹے بعد، وزیر خارجہ ایس جے شنکر نے عالمی امور پر وسیع بحث کے لیے ترکی کے وزیر خارجہ مولود چاوش اوغلو سے ملاقات کی۔ میٹنگ کے بعد ایک ٹویٹ میں، جے شنکر نے کہا کہ انہوں نے ‘ایک وسیع پیمانے پر بات چیت کی جس میں یوکرین تنازعہ، خوراک کی حفاظت، جی۔20 عمل، عالمی نظم، ناوابستہ ممالک تحریک اور قبرص کا احاطہ کیا گیا۔ ترکیہ قبرص کے منقسم جزیرے پر اپنے نسلی ہم وطنوں کے درمیان تصادم میں الجھا ہوا ہے جو اس کے الگ ہونے والے شمالی حصے اور یونانی قبرص پر قابض ہیں’۔
منگل کی صبح اپنی تقریر میں اردغان نے غیر جانبدارانہ موقف اختیار کیا اور کہا: ‘ہم امید اور دعا کرتے ہیں کہ کشمیر میں منصفانہ اور مستقل امن اور خوشحالی قائم ہو’۔انہوں نے اقوام متحدہ کی قراردادوں کے ذریعے بھی کشمیر کو بین الاقوامی بنانے سے گریز کیا جیسا کہ انہوں نے گزشتہ سال کیا تھا یا اس سے پہلے کے سالوں میں بھارت پر سخت الفاظ میں تنقید کی تھی۔
پاکستانی سیاست دانوں کے علاوہ اردغان واحد دوسرے رہنما ہیں جنہوں نے حالیہ برسوں میں 193 رکنی اسمبلی میں تقریروں میں کشمیر کا ذکر کیا۔ترکی نے روس اور یوکرین کے درمیان مذاکرات میں ایک اہم کردار ادا کیا ہے، اور اقوام متحدہ کے ساتھ اس نے بحیرہ اسود کے ذریعے غذائی اجناس کی برآمدات کے لیے کیف کی بندرگاہیں کھولنے میں مدد کی۔منگل کو بھی، جے شنکر نے آسٹریا کے وزیر خارجہ الیگزینڈر شلن برگ سے ملاقات کی، جنھیں انہوں نے ایک ٹویٹ میں "میرا پیارا دوست” کہا جس میں کہا گیا کہ انہوں نے نقل و حرکت اور تعلیم میں ہمارے تعاون کو بڑھانے پر تبادلہ خیال کیا۔ اس دوران جے شنکر نے لیبیا کی وزیر خارجہ نجلا المنگوش سے بھی ملاقات کی ۔