نئی دہلی (یو این آئی) کانگریس نے ہماچل پردیش اسمبلی انتخابات کے لئے آج 46 امیدواروں کی پہلی فہرست جاری کی۔کانگریس کے انتخابی انچارج مکل واسنک نے کہا کہ انتخابی کمیٹی نے ان ناموں کو حتمی شکل دی ہے۔ پارٹی نے سابق وزیر اعلیٰ آنجہانی ویربھدرا سنگھ اور پرتیبھا سنگھ کے بیٹے وکرمادتیہ سنگھ کو شملہ گاوں سے میدان میں اتارا ہے، جب کہ اسمبلی میں اپوزیشن لیڈر مکیش اگنی ہوتری کو ہارولی ، سینئر لیڈر آشا کماری کو ڈلہوزی اور سکھوندر سنگھ سکھو اور کلدیپ سنگھ راٹھور کو بالترتیب نادون اور تھیوگ سے امیدوار بنایا ہے۔
Congress releases the first list of 46 candidates for the Himachal Pradesh Assembly elections, which are to be held on November 12th. pic.twitter.com/O6ssJYyiEV
— ANI (@ANI) October 18, 2022
ہماچل پردیش کی 68 اسمبلی سیٹوں کے لیے ریاست کے 55 لاکھ ووٹر 12 نومبر کو ایک ہی مرحلے میں ووٹ ڈالیں گے۔ کاغذات نامزدگی کی آخری تاریخ 25 اکتوبر اور کاغذات نامزدگی کی جانچ پڑتال 27 اکتوبر کو ہوگی۔ امیدوار 29 اکتوبر تک اپنے نام واپس لے سکیں گے۔ انتخابی نتائج کا اعلان 8 دسمبر کو کیا جائے گا۔
ہماچل پردیش اسمبلی میں حزب مخالف لیڈر مکیش اگنی ہوتری کو ان کے موجودہ اسمبلی حلقہ ہرولی سے ٹکٹ دیا گیا ہے۔ دراصل کانگریس نے ایک سیٹ چھوڑ کر سبھی موجودہ اراکین اسمبلی کو ٹکٹ دیا ہے۔ امید کی جا رہی ہے کہ جلد ہی کانگریس اپنے امیدواروں کی دوسری فہرست بھی جاری کرے گی۔
