شرح سود میں کمی کی امید ختم ہونے پر مارکیٹ گر گئی

ممبئی 03 جنوری (یواین آئی) امریکی فیڈرل ریرزو کے شرح سود میں تخفیف کرنے کی امید ختم ہونے سے عالمی مارکیٹ میں آئی گراوٹ سے مایوس سرمایہ کاروں کی مقامی سطح پر آئی ٹی، میٹل اور ٹیک سمیت چھ گروپس کی مقامی سطح پر فروخت کے باعث آج شیئربازار مسلسل دوسرے دن گرکر بند ہوا۔
بی ایس ای کا 30 حصص کا حساس انڈیکس سینسیکس 535.88 پوائنٹس گر کر 71,356.60 پر اور نیشنل اسٹاک ایکسچینج (این ایس ای) نفٹی 148.45 پوائنٹس گر کر 21,517.35 پر آگیا۔ تاہم، بڑی کمپنیوں کے برعکس درمیانی اور چھوٹی کمپنیوں میں خریدار رہی، جس کی وجہ سے بی ایس ای مڈ کیپ 0.20 فیصد بڑھ کر 37,081.58 پوائنٹس اور اسمال کیپ 0.30 فیصد بڑھ کر 43,103.61 پوائنٹس پر پہنچ گیا۔
اس عرصے کے دوران بی ایس ای میں کل 3945 کمپنیوں کے حصص کا کاروبار ہوا جن میں سے 2194 میں خریدے گئے جبکہ 1643 میں فروخت ہوئے جبکہ 108 میں کوئی تبدیلی نہیں ہوئی۔ نفٹی میں 18 کمپنیوں میں اضافہ ہوا جبکہ 32 میں کمی ہوئی۔
بی ایس ای کے چھ گروپس کے حصص گر گئے۔ ان میں اشیاء 0.72، مالیاتی خدمات 0.20، آئی ٹی 2.31، آٹو 0.06، دھات 2.44 اور ٹیک 1.78 فیصد، ٹیلی کام 0.97، یوٹیلٹیز 1.78، آئل اینڈ گیس 0.99، پاور 1.33، ریئلٹی 1.39 اور سروسز گروپ کے حصص میں 1.31 فیصد اضافہ ہوا۔
بین الاقوامی سطح پر گراوٹ کا رجحان رہا۔ اس عرصے کے دوران برطانیہ کے ایف ٹی ایس ای میں 0.55 فیصد، جرمنی کے ڈیکس میں 0.78، جاپان کے نکی میں 0.22 اور ہانگ کانگ کے ہینگ سینگ میں 0.85 فیصد کی کمی ریکارڈ کی گئی۔ وہیں چین کے شنگھائی کمپوزٹ میں 0.17 فیصد اضافہ ہوا۔