مودی نے لکھنؤ-دہرہ دون نئی وندے بھارت ٹرین کا افتتاح کیا

دہرادون، 12 مارچ (یو این آئی) وزیر اعظم نریندر مودی نے منگل کو احمد آباد سے 85,000 کروڑ روپے سے زیادہ کے مختلف ترقیاتی منصوبوں کا سنگ بنیاد رکھا اور افتتاح کیا۔ انہوں نے ورچولی طور پر اتر پردیش میں لکھنؤ اور اتراکھنڈ کے دہرادون کے درمیان نئی وندے بھارت ٹرین، اتراکھنڈ کے دو اسٹیشنوں (کاشی پور، رشیکیش) پر جن اوشدھی کیندر اور اتراکھنڈ کے مختلف ریلوے اسٹیشنوں پر ‘ایک اسٹیشن ایک پروڈکٹ اسٹال’ کا ورچولی طور پر افتتاح کیا۔ گورنر لیفٹیننٹ جنرل (ریٹائرڈ) گرمیت سنگھ اور وزیر اعلیٰ پشکر سنگھ دھامی نے دہرادون کے ریلوے اسٹیشن پر منعقد پروگرام میں جسمانی طور پر شرکت کی۔
پروگرام سے خطاب کرتے ہوئے مسٹر دھامی نے دہرادون-لکھنؤ کے درمیان وندے بھارت ٹرین کا تحفہ دینے پر وزیر اعظم اور وزیر ریلوے کا شکریہ ادا کیا۔ انہوں نے کہا کہ ‘وندے بھارت’ ٹرین ترقی پسند اور خود انحصار ہندوستان کے وزیر اعظم کے وژن کی زندہ مثال ہے۔ آج ملک میں انفراسٹرکچر کے شعبے میں بے مثال کام کیا گیا ہے۔ ہندوستان کی پہلی دیسی ساختہ سیمی ہائی اسپیڈ ٹرین ‘وندے بھارت’ ابھرتے ہوئے ہندوستان کی روشن تصویر کی عکاسی کرتی ہے۔وزیر اعلیٰ نے کہا کہ وزیر اعظم نریندر مودی کو اتراکھنڈ سے خاص لگاؤ ​​ہے۔ مرکزی حکومت کے تعاون سے اتراکھنڈ تیزی سے ترقی کی طرف بڑھ رہا ہے۔ انہوں نے کہا کہ اتراکھنڈ میں ریلوے کی توسیع کے لیے 5,120 کروڑ روپے کا بجٹ مختص کیا گیا ہے۔ امرت بھارت اسٹیشن اسکیم کے تحت چھ اسٹیشنوں کی دوبارہ ترقی کا کام کیا جا رہا ہے۔اس دوران راجیہ سبھا کے رکن پارلیمنٹ نریش بنسل، سبکدوش ہونے والے میئر سنیل یونیال گاما، ڈی آر ایم آر کے سنگھ، متعلقہ افسران بھی موجود تھے۔