غزہ میں 24گھنٹوں کے درمیان 700 سے زائد فلسطینیوں کی شہادت

غزہ (یو این آئی/ژنہوا) اسرائیل نے اتوار کو جنگ زدہ غزہ پٹی کے مختلف علاقوں پر نئے فضائی حملے کیے، جس میں متعدد افراد ہلاک اور زخمی ہوئے۔ غزہ میں گزشتہ 24 گھنٹوں کے دوران 700 سے زائد فلسطینی مارے جا چکے ہیں۔حماس کے زیر انتظام وزارت صحت نے یہ اطلاع دی۔امدادی کارکنوں اور طبی عملے نے ژنہوا کو بتایا کہ اسرائیلی فضائی حملوں نے شمالی پٹی کے جبالیہ کیمپ میں ابو ایتا خاندان کی آبادی والی رہائشی عمارت کو نشانہ بنایا۔ گزشتہ چند گھنٹوں میں سینتیس افراد کی موت ہو گئی اور زخمیوں کو ہسپتال میں داخل کرایا گیا۔
دریں اثنا، طبی ماہرین کے مطابق، غزہ شہر کے شمال میں ابو اسکندر علاقے میں ابو جیاب خاندان کے ایک گھر کو نشانہ بناتے ہوئے اسرائیلی بمباری میں کم از کم تین افراد ہلاک اور 20 دیگر زخمی ہو گئے۔
اس کے علاوہ فلسطینی سول ڈیفنس سروس نے کہا کہ غزہ شہر کے مشرق میں یافا سٹریٹ پر اسرائیلی جنگی طیاروں کے حملے میں متعدد افراد ہلاک اور زخمی ہوئے۔
اس سے قبل دن میں سول ڈیفنس سروس کے ترجمان محمود بسل نے کہا تھا کہ حالیہ گھنٹوں میں اسرائیلی فضائی حملوں کے نتیجے میں 84 افراد کو غزہ کے المعاملات اسپتال لے جایا گیا ہے۔ سرکاری میڈیا آفس کے ڈائریکٹر اسمعیل الثوابتح نے اتوار کو صحافیوں کو بتایا کہ غزہ میں گزشتہ 24 گھنٹوں کے دوران 700 سے زائد فلسطینی مارے گئے ہیں۔