بحریہ کا مگ طیارہ گر کر تباہ ہوگیا

نئی دہلی (یو این آئی/ایجنسیاں): بحریہ کا مگ -29-K جنگی طیارہ بدھ کے روز گوا میں تکنیکی خرابی کی وجہ سے گر کر تباہ ہو گیا۔ راحت کی بات یہ ہے کہ طیارہ کا پائلٹ بحفاظت نکلنے میں کامیاب رہا۔
بحریہ کے مطابق طیارہ معمول کی پرواز پر تھا لیکن ہوائی پٹی پر واپسی کے دوران اس میں تکنیکی خرابی پیدا ہوگئی۔ طیارہ کا پائلٹ بروقت محفوظ اترنے میں کامیاب رہا۔ سرچ آپریشن کے دوران پائلٹ کو فوری طور پر ٹریس کر لیا گیا اور اطلاعات کے مطابق پائلٹ کی حالت مستحکم ہے۔ طیارہ حادثے کی وجوہات جاننے کے لیے بورڈ آف انکوائری تشکیل دے دیا گیا ہے۔
ایک بورڈ آف انکوائری کو حادثے کی وجوہات کی تحقیقات کا حکم دیا گیا ہے۔ میڈیا رپورٹ کے مطابق یہ 2019 کے بعد یہ چوتھا حادثہ ہے۔
اس طیارہ کو دنیا میں سب سے زیادہ نفیس طیارہ سمجھا جاتا ہے۔ دھیان رہے کہ نومبر 2020 میں، ایک لڑاکا پائلٹ نومبر 2020 میں حادثے میں ہلاک ہو گیا تھا ۔ جبکہ ایک پائلٹ کو واقعے کے فوراً بعد بچا لیا گیاتھا، کمانڈر نشانت سنگھ کی لاش حادثے کے 11 دن بعد برآمد ہوئی۔ ایک اور مگ اسی سال فروری میں پرندوں سے ٹکرانے کے بعد گر کر تباہ ہو گیا تھا۔