سری نگر، 12 مئی (یو این آئی) جموں وکشمیر پولیس کا کہنا ہے کہ سیاسی پارٹیوں کے بیانات اور قیاس آرائیاں کہ پولیس دوسروں کے ایما پر مختلف طریقوں سے ان کے پارٹی کارکنوں کو ہراساں کر رہی ہے، بے بنیاد ہیں۔انہوں نے کہا کہ پولیس آزادانہ اور منصفانہ انتخابات کو یقینی بنانے کے لئے سیکورٹی سے متعلق قانون اور مثالی ضابطہ اخلاق کے رہنما خطوط کو نافذ کرنے کے لئے پر عزم ہے۔پولیس نے اتوار کو سماجی رابطہ گاہ ‘ایکس’ پر ایک بیان جاری کرتے ہوئے کہا: ‘سیاسی جماعتوں کے بیانات اور قیاس آرائیاں کہ پولیس دوسروں کے ایما پر ان کے کارکنوں کو مختلف طریقوں سے ہراساں کر رہی ہے، بے بنیاد ہیں’۔انہوں نے کہا کہ پولیس آزادانہ اور منصفانہ انتخابات کو یقینی بنانے کے لئے سیکورٹی سے متعلق قانون اور مثالی ضابطہ اخلاق کے رہنما خطوط کو نافذ کرنے کے لئے پر عزم ہے۔
بیان میں کہا گیا: ‘پولیس نے پارٹی وابستگی سے قطع نظر خلاف ورزیوں جیسے نقدی، منشیات، شراب کی ضبطی اور دہشت گردی اور علاحدگی پسندوی سے تعلق رکھنے والے شر پسندوں سے متعلق کارروائیاں انجام دی ہیں اور ممکنہ مجرموں کے خلاف حفاظتی کارروائیاں کی ہیں’۔انہوں نے کہا کہ ‘جموں وکشمیر پولیس امیدواروں اور سیاسی کارکنوں، ان کی قیام گاہوں، سیاسی جلسوں، روڈ شوز کو تحفظ فراہم کرنے کے لئے پر عزم ہے خواہ وہ کسی بھی پارٹی سے تعلق رکھتے ہوں’۔ان کا کہنا ہے کہ پولیس انتخابات کو مقدس سمجھتی ہےاور ان میں حصہ لینے والوں تمام شرکا یکساں مقدس ہیں اور ہم یک جٹ ہو کر دشمن کا مقابلہ کرتے ہیں۔
بیان میں کہا گیا: ‘تاریخ اس بات کی گوا ہے، مشترکہ کاز اور ہر طرف کی قربانیوں کے با وجود، پولیس پر تنقید کو ہمیشہ پیشہ ورانہ خطرہ کے طور پر قبول کیا گیا ہے تاہم جب قیاس آرائی پر مبنی بیانات انفرادی سطح پر کسی پولیس افسر کے خلاف کئے جاتت ہیں اور اس کو عوامی ڈومین میں لایا جاتا ہے تو یہ ایک فرد کے لئے سیکورٹی خطرات کا باعث بن جاتا ہے جیسا کہ ماضی میں دیکھا گیا’۔انہوں نے کہا: ‘اس کے باوجود ہم قانون کے غیر جانبدارنہ نفاذ کے لئے اپنی لگن اور عزم کا اعادہ کرتے ہیں’۔
