رانی مکھرجی مردانی 3 میں کام کریں گی

ممبئی، 22 دسمبر (یو این آئی) مشہور بالی ووڈ اداکارہ رانی مکھرجی فلم مردانی میں کام کرتی نظر آسکتی ہیں۔رانی مکھرجی کی فلم مردانی سال 2014 میں ریلیز ہوئی تھی۔ رانی مکھرجی نے مردانی میں ایک مضبوط پولیس افسر شیوانی شیواجی رائے کا کردار ادا کرکے لوگوں کو متاثر کردیا تھا۔ مردانی کی کامیابی کے بعد مردانی 2 سال 2019 میں بنائی گئی۔ بحث ہے کہ مردانی تھری اب بنائی جا رہی ہے۔
رانی مکھرجی نے کہا کہ بطور اداکارہ میں ہمیشہ یہ مانتی ہوں کہ ہم فلم اس لیے نہیں کرنا چاہتے کیونکہ وہ اچھی لگتی ہے۔ ہمیں فلمیں اس وقت کرنی چاہئیں جب اسکرپٹ اچھی ہو اور ایسی فلم بنانا چاہیں جو تبدیلی لا رہی ہو۔ اگر کہانی میں اتنی طاقت نہیں ہے تو ہم مردانی 3 نہیں بنا سکتے۔ یہ ایسی چیز ہونی چاہیے جس سے لوگ آج جڑے ہوں، جس سے لڑکیاں بااختیار بنیں۔ تب ہی ہم مردانی 3 بنا سکتے ہیں۔رانی مکھرجی نے کہا کہ مردانی فرنچائزی فلم صرف ناظرین کی محبت کی وجہ سے آگے بڑھ رہی ہے کیونکہ خواتین پر مبنی فرنچائز فلم کو چلانا بہت مشکل ہے۔ اسے آگے لے جانے کے لیے ہمیں سامعین کی محبت کی ضرورت ہے۔ جہاں تک مردانی 3 کا تعلق ہے تو میں خود واپس آنا چاہتی ہوں۔ ہر فلم اچھی کہانی کی تلاش میں رہتی ہے۔ مردانی 3 فلم بھی ایسی ہے جسے بنایا جانا چاہیے۔