شیئربازارایک بار پھرنئی بلندی پر

ممبئی (یو این آئی) امریکی پارلیمنٹ میں فیڈ ریزرو کے چیئرمین جیروم پاول کی تقریر سے قبل، عالمی بازار کے ملے جلے رجحان کے درمیان مقامی سطح پر بینکنگ، آئی ٹی اور ٹیک سمیت آٹھ گروپوں میں خرید و فروخت کے باعث اسٹاک مارکیٹ آج نئی بلندی پر پہنچ گئی۔بی ایس ای کے 30 شیئرزوالے حساس انڈیکس سینسیکس نے 408.86 پوائنٹس یا 0.55 فیصد کی چھلانگ لگائی اور پہلی بار 74 ہزار پوائنٹس کی نفسیاتی سطح کو عبور کیا اور 74,085.99 پوائنٹس تک پہنچ گیا۔ اس کے علاوہ، نیشنل اسٹاک ایکسچینج (این ایس ای) کا نفٹی 117.75 پوائنٹس یا 0.53 فیصد بڑھ کر 22,474.05 پوائنٹس کی نئی ریکارڈ سطح پر پہنچ گیا۔
وہیں بڑی کمپنیوں کے برعکس، درمیانی اور چھوٹی کمپنیوں میں بھاری فروخت نے مارکیٹ پر دباؤ ڈالا۔ اس کی وجہ سے بی ایس ای کا مڈ کیپ 0.65 فیصد کی گراوٹ کے ساتھ 39,699.89 پوائنٹس اور اسمال کیپ 1.91 فیصد کا غوطہ لگاکر 44,343.57 پوائنٹس پر آگیا۔ اس دوران بی ایس ای میں کل 3940 کمپنیوں کے حصص کا کاروبار ہوا جن میں سے 904 میں اضافہ جبکہ 2954 میں کمی اور 82 میں کوئی تبدیلی نہیں ہوئی۔ اسی طرح نفٹی میں 35 کمپنیوں میں خرید و فروخت ہوئی جبکہ باقی 15 میں فروخت ہوئی۔