یوم اساتذہ کے موقع پرآل انڈیاملی کونسل کے ذریعہ پٹنہ میں ٹیچرس توصیفی سندد سے سرفراز

پٹنہ(پریس ریلیز) آل انڈیاملی کونسل کے زیراہتمام یوم اساتذہ کی مناسبت ایک پروقارتقریب اساتذہ کی عزت افزائی اوران کے تدریسی خدمات کے اعتراف میں منعقدکی گئی۔اس اہم تقریب کی صدارت ملی کونسل کے قومی نائب صدرمولاناانیس الرحمن قاسمی کی۔جب کہ مہمان خصوصی کے طورپروزیرقانون حکومت بہارجناب ڈاکٹرشمیم احمد،،ڈاکٹرشکیل احمدسابق مرکزی وزیرمملکت برائے داخلہ ، جناب اکبررضاجمشیدصاحب سابق جج شریک ہوئے،ان کے علاوہ عمائدین شہراورعلماودانشوران بڑی تعدادمیں شریک ہوئے۔اس اعزازیہ تقریب کاآغازآل انڈیاملی کونسل بہارکے جنرل سکریٹری مولانامحمدعالم قاسمی کی تلاوت قرآن کریم سے ہوا۔اس موقع پر30؍اساتذہ کوان کی تدریسی خدمات کے اعتراف میں ایوارڈوں سے سرفرازکیاگیا۔اس تقریب میں اپنے افتتاحی کلمات میں آل انڈیاملی کونسل کے کارگزارجنرل سکریٹری مولانامحمدنافع عارفی نے اساتذہ کرام کومبارک باددیتے ہوئے کہااساتذہ کے ہی دم سے بزم علم میں رونق ہے۔یہی قوم کے لیے ایسے افرادتیارکرتے ہیں،جن کے دم پرقومیں عروج کاسفرطے کرتی ہیں،جب کہ اپنے صدارتی خطاب میں مولاناانیس الرحمن قاسمی نے کہاکہ نبی کریم صلی اللہ علیہ وسلم کودنیامیں معلم اوراستاذبناکربھیجاگیا۔تعلیم کافروغ اوردنیاکوہرطرح کی جہالت سے پاک کرناہمارا مشن ہے ۔ملک میں تعلیمی میدان میںجوبھی ترقی ہے،وہ اساتذہ کی وجہ سے ہے۔اس لیے وہ قابل تکریم وقابل مبارک بادہیں۔آل انڈیاملی کونسل کامشن تعلیم 2050ء اسی مقصدکے لیے ہے۔
وزیرقانون حکومت بہارجناب ڈاکٹرشمیم احمدنے کہاکہ ڈراپ اپ بچوں کودوبارہ اسکولوں سے جوڑنابہت ضروری ہے۔گارجین حضرات کے علاوہ اسکولوں کے اساتذہ کوچاہیے کہ وہ ان بچوں کودوبارہ اسکول سے جوڑے تاکہ وہ دوبارہ تعلیم وتربیت کے بعدقوم وملت کی تعمیروترقی میں اپناکرداراداکرسکے۔
جناب ڈاکٹرشکیل احمدسابق مرکزی وزیرمملکت برائے داخلہ نے کہاکہ آزادہندوستان کے پہلے نائب صدرجمہوریہ جوبعدمیںصدرجمہوریہ بنے ،ان کی یاد میں یوم اساتذہ منایاجاتاہے۔وہ ہمارے لیے نمونہ کی حیثیت رکھتے ہیں۔ویسے ماں کی گودبچہ کاپہلامدرسہ ہوتاہے۔اورماں پہلی معلمہ ہوتی ہے۔آج ہندوستان کے بدلتے ماحول میں اساتذہ کی ذمہ داری مزیدبڑھ جاتی ہے، وہ طلبہ وطالبات کے ذہنوں سے عصبی اورمذہبی نفرتوں کودورکرنے میں نمایاں کرداراداکرسکتی ہے۔انہوں نے کہاکہ اس وقت موجودہ حالات میں نوجوانوں کی ذہن سازی کی ضرورت ہے۔
جناب اکبررضاجمشیدصاحب سابق جج نے اپنے بیان میں کہاکہ استادنسل نوکی تربیت کااہم کام انجام دیتاہے،ہرقوم ومذہب میں استادکواس کے پیشے کی عظمت کی وجہ سے اہمیت حاصل ہے،استادطلبہ کونہ صرف مختلف علوم وفنون کاعلم دیتاہے،بلکہ اپنے ذاتی کردارکے ذریعہ ان کی تربیت کاکام بھی انجام دیتاہے۔
جناب خالدانورایم ایل سی نے کہاکہ آج دوسرے صدرجمہوریہ ڈاکٹررادھاکرشنن کے افکارکوسمجھنے کی ضرورت ہے۔انہوں نے اپنی زندگی کاقیمتی وقت لوگوں کی تعلیم وتربیت میں گزاراانہو ں نے کہاکہ بچوں کی تعلیم وتربیت پرخصوصی توجہ دی۔کیوں کہ بچے میں قوم وسماج کی تعلیم میں مفیدہوسکتے ہیں اوراہم کرداراداکرسکتے ہیں۔
مولانارضوان احمداصلاحی امیرجماعت اسلامی ہندبہارنے کہاکہ بچوں کی تعلیم وتربیت میں اساتذہ کارول بہت اہم ہے۔اگربچہ کوئی اچھاکام کرتاہے تواس کاسہرااساتذہ کوجاتاہے اوراگراس کے اندرکوئی خامی رہتی ہے تواس کاذمہ داربھی اساتذہ ہی ہوتے ہیں۔اساتذہ خواہ مسلم ہویاغیرمسلم، وہ عزت کے قابل ہیں۔
شیعہ عالم دین مولاناسیدامانت حسین سابق پرنسپل مدرسہ سلیمانیہ پٹنہ نے اپنے بیان میں کہاکہ اساتذہ کی تعظیم وتکریم ان کے احسان وشکرگزاری ہے،اساتذہ مربی روح ہے اوروالدین مربی بدن ہے۔اساتذہ ہی اس ملک کے بچوں کوسنوارنے کاکام کرتے ہیں۔اس لیے والدین سے زیادہ ان کی تعظیم کی جائے۔انہوں نے کہاکہ ملی کونسل نے اساتذہ کی ہمت افزائی کاجوطریقہ اختیارکیاہے،وہ بہت ہی بہتراورقابل تقلیدہے۔
مولاناشکیل احمدقاسمی نائب صدرآل انڈیاملی کونسل نے اپنے بیان میں کہاہے کہ استاذکاکمال فن یہ ہے کہ وہ اپنے علم کوطلبہ تک کیسے پہنچاتے ہیں۔ معلم کوچاہیے کہ طلبہ کوکوئی باضابطہ اصول بتائے اوراس پرتوقع رکھیں کہ وہ علم پربھروسہ کرکے تسلیم کرلیں اورطلبہ کوتجربات،مشاہدات اورمطالعہ کاموقع فراہم کرکے ترغیب دلائیں ،طلبہ کے اندرایسی فکرپیداکرناچاہیے تاکہ وہ اچھے برے میں تمیزکرسکے اوردنیاکے نئے چیلنجوں کامقابلہ کرسکیں۔
مولاناابوالکلام قاسمی شمسی صدرمومن کانفرنس نے کہاکہ ملی کونسل کا اساتذہ کونوازنے کافیصلہ قابل ستائش ہے،یہ تقریب سابق صدرجمہوریہ ڈاکٹررادھاکرشنن کے یوم پیدائش پرمنعقدکی جاتی ہے۔انہوں نے اساتذہ کی خدمات کوسراہتے ہوئے کہاکہ آج کے دن ہمیں یہ عہدلیناچاہیے کہ ہم ایک مثالی استادکی حیثیت تدریس کے میدان میں کام کریں گے اورطلبہ میں اچھے اوصاف پیداکریں گے ،ایساکرنے سے ہرگھرعلم کی روشنی سے منورہوگا۔
مولانامحمدناظم صاحب ناظم جمیعت علماہندبہار(محمود) نے کہاکہ آج یعنی 5ستمبرکویوم اساتذہ کے طورپرمنایاجاتاہے۔ملی کونسل قابل مبارک باد ہیں۔رسول اللہ صلی اللہ علیہ وسلم نے ارشادفرمایامیں معلم بناکربھیجاگیاہوں۔انہوں نے کہااپنے بچوں کوایسی تعلیم دیں کہ دینی ودنیوی دونوں اعتبارسے کامیابی حاصل کریں۔
جناب نجم الحسن نجمی صاحب نے کہا کہ یوم اساتذہ کے موقع پرملی کونسل نے اساتذہ کواعزازبخشنے کابہترکام کیاہے ،اس کامثبت پیغام جائے گا۔اساتذہ کی سماج میں آج بھی بڑی اہمیت ہے اورآئندہ بھی رہے گی۔
مولانامرزاذکی بیگ نے خطبہ استقبالیہ پیش کیا
جناب عارف حسین صاحب نے کہاکہ ملی کونسل قابل مبارک باد ہے کہ انہوں نے یوم اساتذہ کے موقع پراساتذہ کوتوصیفی سنددینے کافیصلہ ہے یہ قابل ستائش قدم ہے۔،
مولاناقمرعالم ندوی ،جناب انوارالہدی،پروفیسرشمس الحسین صاحب،اورمولانامحمدعالم قاسمی جنرل سکریٹری ملی کونسل بہاربھی نے اپنے اظہارکاخیال کیا۔
جن اساتذہ کوایوارڈوں سے نوازاگیا۔ان میںسے حفظ قرآن میں سیدناابی ابن کعب ایوارڈحافظ آفتاب عالم صاحب،مولاناقاری محمدارشادصاحب کوعربی زبان وادب میں علامہ شوق نیموی ایوارڈمولانا منہاج الدین قاسمی صاحب،صدیقہ عروج صاحبہ کواور اردوزبان وادب میں علامہ سیدسلیمان ایوارڈمحمدصدرعالم ندوی صاحب،محمدنظام الدین انصاری صاحب،عزیراحمدصاحب،ڈاکٹرعقیل احمدصاحب،امام الحسن قاسمی صاحب کو،فارسی زبان وادب میں شادعظیم آبادی ایوارڈمولانا سید مظفر رضاصاحب کو،انگریزی زبان وادب میں مولانامحمدعلی جوہرایوارڈدرخشاں پروین صاحبہ،صدف صاحبہ،یعقوب اشرفی صاحب، صابرحسین صاحب کو،پنجابی زبان وادب میں گروگوبندسنگھ ایوارڈسردارامیش سنگھ جی کو،اسلامیات میں قاضی مجاہدالاسلام قاسمی ایوارڈفضل کریم قاسمی صاحب کو ،علم ریاضی میں وششٹ نارائن سنگھ ایوارڈامتیاز عالم صاحب کو،فزکس میں بوعلی سیناایوارڈنزہت زبیری صاحبہ کو،تاریخ میں مولانامناظراحسن گیلانی ایوارڈمحمدتوصیف کامران صاحب کو،سائنس میں اے پی جے عبدالکلام ایوارڈنصرت ندیم صاحبہ کو،ہندی میں رام دھاری سنگ دنکرایوارڈآفرین امام صاحبہ کوکیمسٹری میں جابربن حیان ایوارڈاظہاریوسف صاحب کو،علم سماجیات میں محمدبن خلدون ایوارڈشیرازاحمدصاحب کو،اورمختلف علوم میں مولاناابوالمحاسن محمدسجادایوارڈشہزاد رشیدصاحب ،ڈاکٹرذاکرحسین صاحب،شازیہ عالم صاحبہ کو،بایولوجی میں محمداسلام خان ایوارڈعلی سرکو سرفرازکیاگیا۔یہ ایوارڈوزیرقانون ڈاکٹرشمیم احمد،سابق مرکزی وزیرڈاکٹرشکیل احمد، ڈاکٹراحمدعبدالحئی،مولاناانیس الرحمن قاسمی،مولاناابوالکلام قاسمی وغیرہ کے ہاتھوں سے دیاگیا۔اس موقع پران اساتذہ کرام کوشال اوڑھاکران کی عزت افزائی بھی کی گئی۔اس پروگرام میں جن لوگوں نے شرکت کی ان میں سے جناب سلام الحق صاحب،مولاناڈاکٹرسجادندوی ،جناب عارف اقبال صاحب ای ٹی وی،نورالسلام ندوی ،ڈاکٹرسہیل احمداورعمائدین شہرہیں۔