ایک وقت ایسا آئے گا جب کانگریس کے لیڈر بی جے پی کے صدر ہوں گے: ادھو

چھترپتی سمبھاجی نگر، 13 فروری (یو این آئی) شیو سینا (یو بی ٹی) کے سربراہ اور مہاراشٹر کے سابق وزیر اعلی ادھو ٹھاکرے نے کہا ہے کہ بھارتیہ جنتا پارٹی (بی جے پی) اب آیارام پارٹی بن چکی ہے اور ایک وقت آئے گا جب کانگریس کے لیڈر اس کے صدر ہوں گے۔
پیر کی رات یہاں ٹی وی سنٹر میں ایک عوامی ریلی سے خطاب کرتے ہوئے مسٹر ٹھاکرے نے کہا کہ اشوک چوہان لیڈر نہیں بلکہ ایک ڈیلر ہیں اور سابق وزیر اعلیٰ دیویندر فڑنویس نے ناندیڑ میں ان کے ساتھ معاہدہ کیا تھا۔ انہوں نے کہا، ”اگر مسٹرنریندر مودی بی جے پی میں چوہان کو راجیہ سبھا کی نشست دے رہے ہیں، تو ہم بھی یہی سوچیں گے کہ انہوں نے (مودی) نے شہیدوں کی توہین کی ہے کیونکہ گزشتہ لوک سبھا انتخابات کی مہم کے دوران وزیر اعظم نے چوہان پر شہیدوں کی توہین کرنے کا الزام لگایا تھا۔ جب میرے کارکنوں کو مارا جا رہا تھا تو کیا وزیر داخلہ سو رہے تھے؟ انہوں نے کہا کہ مہاراشٹر میں ایسا جرم کبھی نہیں دیکھا۔
مسٹر فڑنویس پر تنقید کرتے ہوئے انہوں نے کہا کہ اب ان کا موازنہ کسی جانور سے کرنا اس جانور کی توہین ہوگی۔ عبدالستار کا نام لیے بغیر انہوں نے کہا کہ اگر ہم اقتدار میں آئے تو انہیں جیل میں ڈال دیں گے۔ میری پارٹی کے وفادار کارکنان غداروں کو نہیں چھوڑیں گے اور آنے والے الیکشن میں سبق سکھائے بغیر نہیں رہیں گے۔ بی جے پی کے پاس ہندوتوا کے جعلی بیج ہیں، لیکن ہمارے پاس اصلی لوگ ہیں۔
مسٹر مودی پر بھارت رتن کا بازار کھڑا کرنے کا الزام لگاتے ہوئے، مسٹر ٹھاکرے نے کہا، ”پندرہ دنوں کے اندر پانچ لوگوں کو بھارت رتن قرار دیا گیا۔ جن ریاستوں میں ووٹ پانے کے لئے ایسے فیصلے کیے گئے۔ ہمیں سوامی ناتھن کو بھارت رتن دینے پر فخر ہے۔ انہوں نے کہا کہ مہاراشٹر میں ٹیکس ادائیگی میں حصہ بڑھائیں، پھر دیکھیں ترقی کیسے نہیں ہوتی۔
انہوں نے کہا، "اگر مرکز میں انڈیا اتحاد کی حکومت منتخب ہوتی ہے، تو ہمیں ایک روپے پر 25 سے 50 پیسے کا ریٹرن ملے گا۔”