آرایس ایس ہیڈ کوارٹرکو بم سے اُڑانے دھمکی،سیکورٹی سخت کردی گئی

ناگپور(ایجنسیاں):ہفتہ (31 دسمبر 2022) کو ایک نامعلوم شخص نے مہاراشٹر کے ناگپور میں راشٹریہ سویم سیوک سنگھ کے ہیڈ کوارٹر کو بم سے اڑانے کی دھمکی دی ہے۔ خطرے کے بعد علاقے میں سیکورٹی سخت کر دی گئی ہے۔ ڈپٹی کمشنر آف پولیس (ڈی سی پی)، زون تین، گورکھ بھامرے نے بتایا کہ پولیس کنٹرول روم کو دوپہر ایک بجے کال موصول ہوئی۔ ایک شخص نے مہل علاقے میں آر ایس ایس ہیڈ کوارٹر کو بم سے اڑانے کی دھمکی دی۔ انہوں نے کہا کہ بم ڈیٹیکشن اینڈ ڈسپوزل اسکواڈ (بی ڈی ڈی ایس) اور ڈاگ اسکواڈ کو بلایا گیا تھا اور احاطے کی مکمل چھان بین کی گئی تھی، لیکن کوئی مشکوک چیز نہیں ملی۔میڈیا رپورٹس کے مطابق پولیس کا کہنا ہے کہ ایک نامعلوم شخص نے ناگپور واقع آر ایس ایس دفتر کو بم سے اڑانے کی دھمکی دی ہے۔ اس دھمکی کو پیش نظر رکھتے ہوئے 31 دسمبر کو دفتر کے آس پاس سیکورٹی سخت کر دی گئی ہے۔ ڈی سی پی، زون 3، گورکھ بھامرے کا کہنا ہے کہ ’’پولیس کنٹرول روم میں دوپہر ایک بجے فون آیا تھا۔ ایک شخص نے محل علاقے میں آر ایس ایس ہیڈکوارٹر کو بم سے اڑانے کی دھمکی دی۔‘‘
ڈی سی پی گورکھ بھامرے کا کہنا ہے کہ بی ڈی ڈی ایس (بم جانچ اور ڈسپوزل اسکواڈ) اور شوان اکسواڈ کو بلایا گیا جس نے آر ایس ایس ہیڈکوارٹر احاطہ کی اچھی طرح جانچ کی۔ اس دوران کچھ بھی مشتبہ نہیں ملا ہے، پھر بھی سیکورٹی سخت کر دی گئی ہے۔ ڈی سی پی کا کہنا ہے کہ احتیاط کے طور پر گشت تیز کر دی گیا ہے۔ پولیس فون کرنے والے شخص کی شناخت کرنے کے لیے تحقیقات بھی کر رہی ہے۔ حالانکہ اس پورے معاملے پر آر ایس ایس کے کسی لیڈر کا کوئی بیان سامنے نہیں آیا ہے۔