لوک سبھا انتخابات میں یوپی کا کردار فیصلہ کن ہوگا:اکھلیش

لکھنؤ:21مارچ(یواین آئی) سماج وادی پارٹی(ایس پی) صدر اکھلیش یاد ونے جمعرات کو کہا کہ اترپردیش کا لوک سبھا میں اہم اور فیصلہ کن کردار ہوگا۔پارٹی دفتر میں میڈیا نمائندوں سے بات چیت میں انہوں نے کہا کہ ووٹروں اور کارکنوں کو بی جےپی کی سازش سے محتاط اور ووٹ کے ساتھ الرٹ رہنے کی ضرور تہے۔یادو نے کہا کہ بی جےپی چندہ وصولی اور چندہ چوری میں بے نقاب ہوچکی ہے ۔ اسی طرح بی جےپی نے کورونا ویکسین بنانے والی دوا کمپنی تک سے چندہ وصولی کی ہے۔ چندہ وصولی کی پول کھل جانے سے حواس باختہ بی جےپی اپوزیشن پر حملہ آور ہے۔ ملک کی بھولے بھالے عوام کو پتہ نہیں چلا کہ ویکسین بنانے والی کمپنی سے بھی چندہ وصولی کی گئی ہے۔ بی جےپی اپوزیشن کے اب کچھ اکاونٹ سیز کررہی ہے کیونکہ اس کی چندہ وصولی اور چندہ چوری اجاگر ہوگئی ہے۔
انہوں نے کہا کہ بی جےپی ہٹے گی تو ملک کی جمہوریت بچے گی۔ بی جےپی ہارے گی تو نوجوان کو نوکری ملے گی۔ کسانوں کو ان کی فصل کی ایم ایس پی ملے گی۔ کسان، کاروباریوں، طلبہ ، نوجوانوں، بہن بیٹیوں کی عزت بچے گی۔