مبینہ طور پر دوائیوں کی قلت کے سبب یہ صورتحال پیش آئی،وزیر طبی تعلیم نے دیاجانچ کاحکم
ناندیڑ(یو این آئی) مہاراشٹر کے طبی تعلیم کے وزیر حسن مشرف نے ناندیڑ کے شنکر راؤ چوان گورنمنٹ میڈیکل کالج اینڈ اسپتال میں گزشتہ 24 گھنٹوں کے دوران مبینہ طور پر دوائیوں کی قلت کے سبب کم از کم 24 شدید بیمار مریضوں کی موت کی اطلاع دی ہے۔ اسے سنجیدگی سے لیا ہے۔ اس کی تحقیقات کے احکامات جاری کر دیے گئے ہیں۔
مسٹر مشرف نے پیر کی شام یہاں نامہ نگاروں کو بتایا کہ وہ اس واقعہ کے بارے میں تازہ ترین معلومات حاصل کرنے کی کوشش کر رہے ہیں اور ذمہ داروں کے خلاف کارروائی کی جائے گی۔ وہ کل منگل کو کابینہ کی میٹنگ کے بعد خود ناندیڑ جائیں گے اور واقعہ کا جائزہ لیں گے۔انہوں نے کہا کہ ہیلتھ کمشنر اور ڈائریکٹر کو پورے معاملے کی تحقیقات کا حکم دیا گیا ہے۔ناندیڑ کے شنکر راؤ چوان گورنمنٹ میڈیکل کالج اینڈ اسپتال میں مبینہ طور پر دوائیوں کی کمی کی وجہ سے گزشتہ 24 گھنٹوں میں کم از کم 24 شدید بیمار مریضوں کی موت ہو گئی۔ذرائع کے مطابق مرنے والوں میں 12 نومولود بچے بھی شامل ہیں۔بتایا جاتا ہے کہ ریاست بھر کے سرکاری اسپتالوں کو ادویات کی قلت کا سامنا ہے۔ ان سرکاری اسپتالوں کو ادویات فراہم کرنے والی کمپنی ہافکن انسٹی ٹیوٹ نے ادویات کی خریداری روک دی ہے جس کی وجہ سے یہ صورتحال پیدا ہوئی ہے۔
