آگرہ(یواین آئی)وزیر اعظم نریندر مودی نے بدھ کو کولکاتہ سے آگرہ میٹرو کا ورچولی افتتاح کیا۔مودی کے جھنڈی دکھاتے ہی آگرہ میٹرو کے نام ایک انوکھا ریکارڈ درج ہوگیا ہے۔ یہ ملک کیاپہلی میٹرو بن گیا ہے۔ جو طے وقت سے نو مہینے پہلے ہی تیار ہوگیا۔ اس کے ابتدائی زیر زمین سیکشن کی تعمیر32مہینے میں ہونا تھا لیکن یہ 23مہینے میں ہی بن کر تیار ہوگیا۔وزیر اعظم نے سات دسمبر 2020 کو آگرہ میٹرو کا سنگ بنیاد رکھا تھا۔ اس موقع پر تاج محل میٹر و اسٹیشن سے وزیر اعلی یوگی نے آگرہ میٹرو کو ہری جھنڈی دکھا کر روانہ کیا۔ میٹرو سیکشن کے اندر اے آئی سے نگرانی کی جائے گی۔ آگرہ میٹرو یوپی کی چھٹویں میٹرو ہے۔پہلے مرحلے میں ابھی چھ کلو میٹر تک میٹرو چلے گی۔ اس کے درمیان میں ترجیحی کاریڈور میں چھ اسٹیشن شامل ہیں۔ جن کے درمیان جمعرات سے عوام الناس کے لئے سفر سروس کا آغاز ہوجائے گا۔
وزیر اعلی یوگی آدتیہ ناتھ نے آگرہ میٹرو میں سفر بھی کیا۔ وزیر اعلی یوگی نے تاج محل اسٹیشن سے تاج مشرقی اسٹیشن تک میٹرو ٹرین میں سفر کیا۔ ان کے ساتھ عوامی نمائندے بھی شامل رہے۔انہوں نے وزیٹر بک میں اپنے تجربات کو شیئر کرتے ہوئے لکھا’آگرہ میٹرو کا آج وزیر اعظم مودی نے ورچولی افتتاح کیا۔ پروجکٹ کی کوالٹی کے ساتھ ہی وقت کی پابندی اہمیت رکھتی ہے۔ آگرہ میٹرو نے اس میعار کوبنائے رکھا ہے۔نیک تمنائیں۔
