رائے پور/09 مئی (یو این آئی) چھتیس گڑھ میں 10ویں اور 12ویں جماعت کے امتحان کے نتائج آج جاری کئے گئے۔نتائج کا اعلان کرتے ہوئے چھتیس گڑھ بورڈ آف سیکنڈری ایجوکیشن کی صدر رینو پلئی نے کہا کہ مہاسمند کی مہک اگروال نے 12ویں کلاس میں ٹاپ کیا ہے۔ وہیں جش پور کے سوامی اتمانند کی طالبہ سمرن شبا نے 99.50 فیصد کے ساتھ دسویں جماعت میں ٹاپ کیا ہے۔چھتیس گڑھ بورڈ آف سیکنڈری ایجوکیشن (سی جی بی ایس ای) نے طلباء کے امتحانی نتائج جاری کردیئے ہیں۔ طلباء سی جی بی ایس ای کی سرکاری ویب سائٹ cgbse.nic.in یا result.cg.nic.in پر جا کر اپنا نتیجہ دیکھ سکتے ہیں۔ اس بار دونوں کلاسوں کے بورڈ امتحان میں 6 لاکھ 6 ہزار 578 طلباء نے رجسٹریشن کرائی تھی۔ جس میں 12ویں جماعت کے 2.61 لاکھ اور 10ویں جماعت کے 3 لاکھ 45 ہزار 543 طلباء نے امتحانات میں شرکت کی۔
دسویں اور بارہویں جماعت کے نتائج ہر سال 10 مئی تک جاری ہوتے ہیں۔ اس سال بھی سی جی بی ایس ای نے 10 مئی سے پہلے نتائج جاری کیے ہیں۔اس بار نتیجہ میں 50.74 فیصد طلبہ کامیاب ہوئے ہیں۔ جبکہ 34 فیصد طلباء فرسٹ ڈویژن کے ساتھ پاس ہوئے ہیں۔
12ویں جماعت میں 2 لاکھ 54 ہزار 906 طلباء نے امتحان دیا تھا۔ چھتیس گڑھ میں 10ویں جماعت کے نتائج جاری کر دیے گئے ہیں۔اس سال دسویں جماعت کے 75.61 فیصد طلبہ پاس ہوئے ہیں۔ آپ کو بتاتے چلیں کہ تعلیمی سیشن 2023-2024 کے 10ویں بورڈ کا امتحان 2 مارچ سے 21 مارچ تک ہوا، جس میں 3 لاکھ 45 ہزار 543 طلباء نے شرکت کی۔
