ایس بی آئی کے فوریکس کارڈ کا سہولت فراہم کر کے انہیں کیش رقم لے جانے سے نجات دلائی جائے گی
نئی دہلی(نمائندہ):مرکزی وزیر برائے اقلیتی امور اسمرتی ایرانی نے آج شاستری بھون میں پرنٹ و الیکٹرانک میڈیا کے کارکنان سے غیر رسمی ملاقات کی۔اس دوران انہوں نے بتایا کہ حاجیوں کے سہولت کو دھیان میں رکھتے ہوئے مرکزی حکومت اب اسٹیٹ بینک آف انڈیاکے تعاون سے عازمین کیلئے فوریکس کارڈ کا انتظام کر رہی ہے، جس کے ذریعے وہ بغیر کیش رقم کے ہی سفرپرجاسکیں گے۔اسمرتی ایرانی نے کہا کہ پہلے سفر حج کیلئے ناموں کا انتخاب ہونے پر ہر عازم حج کو روانگی سے کئی ماہ قبل حج کمیٹی کے پاس 2100 ریال کے بقدر پیسے جمع کرانے پڑتے تھے جو انہیں امبار کیشن پوائنٹ پر سفر حج پر روانگی کے وقت 2100 ریال کی شکل میں واپس ملتے تھے اور مکہ ومدینہ میں یہ پیسہ ختم ہو جانے پر عازمین کو بڑی مشکلات کا سامناکرناپڑتاتھا،مگراب اس کی ضرورت نھیں ہے، بلکہ عازمین کوایس بی آئی کے فوریکس کارڈ کا سہولت فراہم کر کے انہیں کیش رقم لے جانے سے نجات دلائی جائے گی۔محترمہ ایرانی نے عازمین کی تفصیلات بتاتے ہوئے کہا کہ رواں برس سفر حج پر جانے والے خواہشمند ایک لاکھ 84 ہزار افراد نے درخواستیں دیں تھیں، جن میں سے ایک لاکھ 40 ہزارافراد کے ہم آن لائن قرعہ اندازی کے ذریعے سلیکٹ ہوئے، جنہیں فورا ہی ایس ایم ایس کے ذریعے اطلاع دیدی گئی۔ انہوں نے کہا کہ منتخب عازمین میں 70 یا اس سے زائدعمرکے10621 عازمین کا انتخاب عمل میں آیا جبکہ بغیر محرم کے 4314 خاتون عازمین کو منتخب کیا گیا اور 45 ہزار افراد کا نام ویٹنگ لسٹ میں آیا۔مرکزی وزیر نے مزید بتایا کہ امسال عازمین کیلئے مرکزی حکومت انشورنس کا بھی انتظام کر رہی ہے تاکہ سفر حج کے دوران حادثہ ہونے کی صورت میں متاثرین کو مالی مدد فراہم کرائی جائنگے، اسکے لئے انشورنس کمپنیوں سے کم از کم پریمئم پر انشورنس لانے کیلئے بات چیت جاری ہے،یہ انشورنس کرانا ہر عازم کیلئے لازمی ہو گا۔اس موقع پرایس بی آئی کے ایم.ڈی آلوک چودھری نے فوریکس کی تفصیلات بتاتے ہوئے کہا کہ ہندوستان کے تمام امبار کمیشن پوائنٹ پر انکے نوڈل افسران موجود ہوں گے، جو عازمین کیلئے کیش اور فوریکس سے متعلق سہولیات دستیاب کرائیں گے۔ انہوں نے کہا کہ ریزروبینک آف انڈیا(آربی آئی) کی ہدایات کے مطابق ہر عازم حج 10ہزار ڈالر کی رقم فور سیکس کارڈ میں ڈال سکتا ہے اور عازمین سعودی عرب پہنچ کر اپنے خرچ اور ضروریات کیلئے وہاں کے اے ٹی ایم سے ریال نکال سکتا ہے،اسکے علاوہ عازمین کو یہ سہولت بھی دستیاب ہو گی کہ سعودی عرب میں چیر ختم ہونے کی صورت میں انکے گھر والے ہندوستان سے فوریکس کارڈ میں مزید پیسہ ڈالکر انہیں پریشانی سے بچاسکتے ہیں۔مسٹر آلوک چودھری نے بتایا کہ ہر امبار کیشن پوائنٹ پر ایس بی آئی کے نوڈل افسرموجود ہوں گے اور عازمین حج کے پاس بھی ان نوڈل افسران کی لسٹ دستیاب ہو گی، یہ صرف ایک خدمت کے تحت ہی کام کر رہے ہیں۔
