سماجوادی پارٹی کے لیڈر کی وزیر اعلیٰ مہاراشٹر سے ملاقات
ممبئی: مہاراشٹر میں عیدالاضحی میں نظم و نسق کی برقراری اور جانوروں کی آمدورفت و نقل و حمل میں کسی بھی قسم کی دشواری نہ ہو شرپسندوں پر قدغن لگایا جائے اس کے ساتھ ہی ممبئی میں دیونار سلاٹر ہاؤس سے لے کر جانوروں کی قربانی کیلئے مذبح میں بہتر انتظامات کا مطالبہ آج یہاں مہاراشٹر سماجوادی پارٹی لیڈر ور کن اسمبلی ابوعاصم اعظمی نے مہاراشٹر کے وزیر اعلی ایکناتھ شندے سے ملاقات کے دوران ان کی رہائش گاہ ورشا میں کیا۔
انہوں نے کہا کہ عید الاضحی میں جانوروں کو تاجروں کو ہراساں نہ کیا جائے اور سڑکوں پر ان کے تحفظات کو یقینی بنانے کیلئے پولیس کو احکامات جاری کئے جائیں اسکے ساتھ ہی شرپسندوں پر روک لگانے کیلئے بھی ضروری اقدامات کی ضرورت ہے انہوں نے کہا کہ تاجر برادری دور دراز سے ممبئی میں عید الاضحی پر جانوروں کی فروخت کی غرض سے ممبئی اور ریاست کے دیگر اضلاع کا رخ کر تے ہیں ایسے میں انہیں کسی بھی قسم کی پریشانی نہ ہو اور منڈیوں میں بہتر نظام قائم کیا جائے۔ انہوں نے کہا کہ عید الاضحی کی تیاریوں سے تعلق ریاستی سطح پر متعلقہ محکموں کو سرکار احکامات جاری کرے اس موقع پر رکن اسمبلی رئیس شیخ بھی موجود تھے انہو ں نے کہا کہ عید الاضحی پر جانوروں کے تاجروں کو نقل و حمل اور ٹرانسپورٹ میں کافی پریشنیوں کو سعامنا کرشنا پڑتا ہے اور انہیں ہراساں بھی کیا جاتا ہے ماضی میں ایسی کئی شکایات موصول ہوچکی ہیں انہوں نے کہا کہ عید الاضحی پر خریداروں کے ساتھ جانوروں کے تاجروں کو بھی سہولیات میسر ہو اس کے ساتھ ہی تمام محکموں کے سر براہان کے ساتھ ایک میٹنگ عیدالاضحی سے قبل منعقد کی جائے تاکہ ریاست میں عید الاضحی امن وامان کے ساتھ منائی جائے انہوں نے کہا کہ عید الاضحی پر فرقہ پرستوں پر قدغن لگانے کی بھی ضرورت ہے کیونکہ اکثر بڑے جانوروں گؤ کشی کے نام پر نفرت کا نام پیدا کرنے کی کوشش کی جاتی ہے اس لئے مذہبی منافرت پھیلانے والوں پر بھی نظر رکھنا لازمی ہے اس لئے وزیر اعلی کو اس پر بھی اقدامات کر نے چاہئے اس پر وزیر اعلی نے مثبت اقدامات کی ابوعاصم اعظمی کو یقین دہانی کروائی ہے۔
