اداکارہ تونیشا شرما کی خود کشی کیس میں ساتھی اداکارشیزان محمد خان گرفتار

ممبئی (ایجنسیاں): ٹی وی اداکارہ تونیشا شرما کی خودکشی کیس میں پولیس نے اداکارہ کے کو اسٹار شیزان محمد خان کے خلاف معاملہ درج کرکے انہیں گرفتار کرلیا ہے ۔ تونیشا سب ٹی وی پر آنے والے شو علی بابا داستان کابل میں شہزادی مریم کا لیڈ رول بھی نبھا رہی تھیں، جس میں شیزان ان کے اپوزٹ کردار نبھا رہے تھے ۔ شیزان کے خلاف آئی پی سی 360 کے تحت ایف آئی آر درج کی گئی ہے، جس کا مطلب ہے کہ خودکشی کیلئے اکسانا ۔ پولیس کے مطابق شیزان کو آج وسئی کورٹ میں پیش کیا جائے گا۔
تونیشا کی موت واقعی خودکشی ہے یا پھر قتل، اسی گتھی کو سلجھانے کے لئے ممبئی پولیس معاملہ کی تفتیش میں مصروف ہوگئی ہے۔
پولیس کے ایک افسر نے جانکاری دی کہ تونیشا واش روم گئی تھیں، لیکن جب وہ بہت دیر تک نہیں لوٹیں تو دروازہ توڑا گیا ، جہاں ان کی لاش پھندے سے لٹکی پائی گئی ۔ سیٹ پرموجود لوگوں کا دعوی ہے کہ تونیشا نے خودکشی کی ہے ۔ صرف 20 سال کی تونیشا شرما نے شہرت کا ایک خاص مقام حاصل کرلیا تھا ۔ تونیشا کم عمر میں چھ سے زیادہ سیریلز اور تین بڑی فلموں میں اداکاری کرچکی تھیں.کم عمر میں اتنی شہرت پانے کے بعد تونیشا کی موت کی خبر سے ہر کوئی حیران رہ گیا ۔ تونیشا نے ہفتہ کو کچھ ہی گھنٹنے پہلے میک اپ کراتے ہوئے اسٹیٹس لگایا تھا ۔ اس کے چند گھنٹوں بعد تونیشا کی خودکشی کی خبر سامنے آگئی۔ دراصل تونیشا شرما کی والدہ کے بیان کے بعد خودکشی کے واقعے نے نیا موڑ لے لیا۔ میڈیا رپورٹ کے مطابق اداکارہ کی والدہ نے تونیشا شرما کی موت کا الزام ساتھی اداکار شیزان خان پر لگایا ہے۔
تونیشا شرما کی ماں نے پولیس کو دیے گئے بیان میں اپنی بیٹی کی کا ذمہ دار ساتھی اداکار کو قرار دیا اور کہا کہ دونوں کے درمیان تعلقات تھے۔ اداکارہ کی والدہ نے پولیس کو بتایا کہ میری بیٹی میرے ساتھ ہی رہتی تھی۔ڈی سی پی پولیس کے مطابق والدہ نے علی بابا ڈرامے میں تونیشا کے ساتھ اداکار شیزان خان پر اپنی بیٹی کی موت کا الزام لگایا ہے۔انہوں نے مزید کہا کہ تحقیقات جاری ہیں، اگر یہ ثابت ہوگیا کہ اداکارہ حاملہ تھی تو پھر تحقیقات خودکشی اور قتل کے رخ پر کی جائے گی۔میڈیا رپورٹ کے مطابق 20 سالہ اداکارہ نے علی بابا داستان کابل کے سیٹ پر ساتھی اداکار شیزان خان کے میک اپ روم میں خودکشی کی۔پولیس حکام کے مطابق جائے وقوعہ سے خط یا کوئی ایسی چیز نہیں ملی، جس سے لگے کہ موت خودکشی ہے، سیٹ پر موقع پر موجود تمام افراد سے سوالات کررہے ہیں۔