اکھل بھارت ہندو مہاسبھا کے ترجمان کیخلاف مقدمہ

لکھنؤ(ہندوستان ایکسپریس ویب ڈیسک): اکھل بھارت ہندو مہاسبھا کے ترجمان ششیر چترویدی کے خلاف پارا پولس اسٹیشن میں مذہب کی بنیاد پردو گروپوں کو اکسانے کا مقدمہ درج کیا گیا ہے۔ قومی آواز ڈاٹ کام کی خبر کے مطابق اسسٹنٹ کمشنر آف پولیس (اے سی پی) کاکوری انیندھیہ وکرم سنگھ نے کہا "چترویدی نے عید میلاد النبیؐ کے موقع پر کانشی رام کالونی، پارا میں کچھ خاندانوں کی طرف سے لہرائے گئے اسلامی جھنڈوں کی تصویریں کلک کیں اور یہ دعویٰ کرتے ہوئے ٹویٹ کیا کہ رہائشیوں نے پاکستان کا جھنڈا لہرایا ہے۔‘‘
چترویدی نے اپنے ٹوئٹ میں لکھنؤ پولیس کو بھی ٹیگ کیا تھا۔ پولس نے پوسٹ کا نوٹس لیا اور معاملے کی چھان بین کی تو معلوم ہوا کہ وہ پاکستانی نہیں بلکہک روایتی اسلامی جھنڈے ہیں۔
انہوں نے کہا کہ، "تفتیش کی بنیاد پر پارا پولیس اسٹیشن کے سب انسپکٹر اوم پرکاش مشرا نے چترویدی کے خلاف آئی ٹی ایکٹ اور مذہب اور کی بنیاد پر دو گروہوں کے درمیان دشمنی کو فروغ دینے کے لیے ایف آئی آر درج کی ہے۔‘‘