عدالت نے ای ڈی کی شکایت پر کیجریوال کو سمن بھیجا

نئی دہلی (یو این آئی) دہلی کی مقامی عدالت نے بدھ کے روز وزیر اعلی اروند کیجریوال کو انفورسمنٹ ڈائریکٹوریٹ (ای ڈی) کی طرف سے مبینہ شراب پالیسی سے متعلق ایک معاملے میں مرکزی ایجنسی کے سمن کی تعمیل نہ کرنے کی شکایت پر سمن جاری کیا۔
ای ڈی کی شکایت سننے کے بعد، جج نے اس کا نوٹس لیتے ہوئے عام آدمی پارٹی (اے اے پی) کے قومی کنوینر کیجریوال کے خلاف سمن جاری کرنے کا حکم دیا۔ای ڈی نے مسٹر کیجریوال کے خلاف مبینہ گھوٹالہ سے متعلق معاملے میں منی لانڈرنگ کی روک تھام ایکٹ (پی ایم ایل اے) کی دفعات کے تحت جاری سمن کی تعمیل نہ کرنے پر شکایت درج کی تھی۔ایڈیشنل چیف میٹرو پولیٹن مجسٹریٹ دیویا ملہوترا نے ای ڈی کی شکایت کی سماعت کے بعد کہا، "شکایت کے مواد اور ریکارڈ پر رکھے گئے مواد سے، بادی النظر میں تعزیرات ہند، 1860 اور ضابطہ فوجداری کی دفعہ 174 کے تحت جرم نظر آتا ہے۔ کیجریوال کے خلاف 1973 کی دفعہ 204 کے تحت کارروائی آگے بڑھانے کے لیے کافی بنیادیں ہیں۔