گڈکری کو جان سے مارنے کی دھمکی، سیکورٹی بڑھائی گئی

ناگپور (یو این آئی) روڈ ٹرانسپورٹ اور ہائی ویز کے مرکزی وزیر نتن گڈکری کو فون پر جان سے مارنے کی دھمکی ملنے کے بعد سیکورٹی بڑھا دی گئی ہے۔اس کی تصدیق کرتے ہوئے ناگپور کے ایک سینئر پولیس افسر نے کہا کہ مرکزی وزیر اور بھارتیہ جنتا پارٹی کے سابق صدر کے دفتر کو فون پر تین باردھمکیاں دی گئیں۔
پولیس افسر کے مطابق مسٹر گڈکری کے تعلقات عامہ کے دفتر کو ہفتہ کے روز تین دھمکی آمیز ٹیلی فون کال موصول ہوئیں، ان میں بی جے پی کے سینئر لیڈر کو جان سے مارنے کی دھمکی دیتے ہوئے تاوان کا مطالبہ کیا گیا۔بتایا جاتا ہے کہ فون کرنے والے نے ‘داؤد’ کا نام بتایا۔ یہ کالز صبح 11.29، 1135 اور دوپہر 1232 پر کی گئیں۔ دھمکی کی اطلاع ملنے کے بعد مقامی پولیس کو فوری طور پر اس کی اطلاع دی گئی۔
اہلکار کے مطابق مسٹر گڈکری کی سیکورٹی سخت کر دی گئی ہے اور معاملے کی جانچ کی جا رہی ہے۔