قومی راجدھانی میں ہونے والے G-20 کانفرنس کے پیش نظر سوربھ بھاردواج نےغیر ملکی مہمانوں کی آمد کے پیش نظر تیاریوں کا جازئزہ لیا
نئی دہلی (یو این آئی) دہلی کے وزیر اعلی اروند کیجریوال کے رہنما خطوط پر عمل کرتے ہوئے قومی راجدھانی میں ہونے والے آمد کے پیش نظر تیاریوں کا جازئزہ لینے کے لئے آج جی بی پنت اسپتال پہنچے۔ خیال رہے کہ جی بی پنت ان پانچ اسپتالوں میں سے ایک ہے جن کی شناخت دہلی حکومت نے G-20 سربراہی اجلاس کے لیے بیرون ملک سے آنے والے مہمانوں کی صحت سے متعلق کسی بھی ہنگامی صورتحال سے نمٹنے کے لیے کی ہے۔اسی تناظر میں آج دہلی کے وزیر صحت کے معائنہ کے دوران ان کے کے ساتھ او ایس ڈی جی بی پنت ، اسپتال کے ڈائریکٹر اور دیگر سینئر ڈاکٹر اور افسران موجود رہے۔
دہلی کے وزیر صحت سوربھ بھاردواج نے کہا کہ دہلی میں ہونے والے جی-20 سمٹ کے پیش نظر بیرون ملک سے آنے والے مہمانوں کے لیے صحت کے انتظامات کو مدنظر رکھتے ہوئے پنت اسپتال میں ایک خصوصی آئی سی یو بنایا گیا ہے، کسی بھی قسم کی ایمرجنسی کی صورت میں غیر ملکی مہمانوں کے لیے مختص کیا جائے گا، اس کے ساتھ ساتھ غیر ملکی مہمانوں کے لیے 10 خصوصی کمرے مختص کیے گئے ہیں اور ان تمام انتظامات میں ڈاکٹروں اور نرسنگ اسٹاف کی ایک خصوصی ٹیم کی تشکیل کی گئی ہے، جو کسی بھی قسم کی ایمرجنسی کی صورت میں بیرون ملک آنے والے سےہمارے مہمانوں کی صحت کی خدمات میں تیار رہیں گے۔انہوں نے بتایا کہ اس آئی سی یو روم میں وہ تمام انتظامات موجود ہیں جن کے ذریعے معمولی بیماری کے علاج کے ساتھ ساتھ کسی سنگین بیماری کا علاج بھی آسانی سے کیا جا سکتا ہے۔
عام طور پر کسی بھی اسپتال میں ایمرجنسی ڈپارٹمنٹ ہوتا ہے، جہاں ایمرجنسی کی صورت میں کسی بھی مریض کو فوری علاج کے لیے لایا جاتا ہے۔ وزیر صحت سوربھ بھاردواج نے کہا کہ اس طرح کے انتظامات کو مدنظر رکھتے ہوئے پنت اسپتال کے اندر G-20 سمٹ کے پیش نظر ایک علیحدہ ایمرجنسی ڈیپارٹمنٹ کا انتظام کیا گیا ہے ۔یہ ایمرجنسی ڈیپارٹمنٹ صرف اور صرف G-20 سربراہی اجلاس میں آنے والے غیر ملکی مہمانوں کی صحت کے انتظامات کے لیے مختص کیا جائے گا ۔ اگر کسی مہمان کو صحت سے متعلق کوئی پریشانی ہو تو اسے فوری طور پر اس ایمرجنسی ڈیپارٹمنٹ میں لایا جائے گا اور فوری علاج کی سہولت فراہم کی جائے گی۔ یہ ایمرجنسی ڈیپارٹمنٹ صرف غیر ملکی مہمانوں کے لیے مختص کیا جائے گا۔دیگر شعبہ جات کی طرح آئی سی یو روم کی طرح اس ایمرجنسی ڈیپارٹمنٹ میں بھی ڈاکٹر اور نرسنگ اسٹاف کی ایک خصوصی ٹیم 24 گھنٹے تعینات رہے گی جو کہ کسی بھی غیر ملکی مہمان کا فوری علاج کرے گی۔
وزیر صحت سوربھ بھاردواج نے کہا کہ جیسا کہ جانا جاتا ہے جی بی پنت دہلی کا سب سے بڑے اسپتالوں میں سے ایک اسپتال ہے اور اس اسپتال کا اس کے اندر چھوٹی بیماریوں سے لے کر دل کی بیماری اور دماغ سے جڑی بڑی بیماریوں تک ہر چیز کا علاج کیا جاتا ہے، ان تمام باتوں کو مدنظر رکھتے ہوئے جی بی پنت کو بھی G-20 سمٹ کے پیش نظر ہائی الرٹ پر رکھا گیا ہے، تاکہ اگر کوئی بھی ایمرجنسی ہو تو کسی غیر ملکی مہمان کو اچانک کسی بھی قسم کی پریشانی کا سامنا نہ کرنا پڑے اور ہتر طریقے سے انہیں اسپتال لایا جا سکتا ہے اور علاج کیا جا سکتا ہے۔وزیر صحت سوربھ بھاردواج نے بیرون ملک سے آنے والے مہمانوں کی صحت کی دعا کرتے ہوئے کہا کہ ہم خدا سے دعا کرتے ہیں کہ کسی بھی غیر ملکی مہمان کو کسی قسم کی بیماری یا پریشانی کا سامنا نہ کرنا پڑے ۔ ایسی کسی بھی بڑی میٹنگ یا پروگرام کے پیش نظر تمام محکمے ہمیشہ اپنی اپنی تیاریاں کرتے ہیں۔ اسی تناظر میں دہلی کا محکمہ صحت بھی اپنی تیاریوں میں لگا ہوا ہے۔مسٹر بھاردواج نے کہا کہ وزیر اعلی اروند کیجریوال کی ہدایت پر محکمہ صحت ہائی الرٹ پر ہے۔ انہوں نے کہا کہ اس بار G-20 سربراہی اجلاس کے انعقاد کی ذمہ داری ہندوستان کو ملی ہے۔ یہ ہندوستان اور ہمارے لئے بڑے فخر کی بات ہے۔وزیر صحت سوربھ بھاردواج نے کہا کہ ہم پوری طرح تیار ہیں اور پوری کوشش کر رہے ہیں کہ ہماری وجہ سے ملک کو کسی قسم کی ہزیمت کا سامنا نہ کرنا پڑے۔انہوں نے کہا کہ میں خدا سے دعا کرتا ہوں کہ یہ اجلاس کامیابی سے مکمل ہو اور ہمارے ملک کا نام پوری دنیا میں روشن ہو ۔
