اگلےچیف جسٹس کیلئےڈی وائی چندرچوڑ کے نام کی سفارش

نئی دہلی، 11 اکتوبر (یو این آئی) چیف جسٹس آف انڈیا یو یو للت نے منگل کے روزمرکزی حکومت سے جسٹس ڈی وائی چندرچوڑ کو اپنا جانشین بنانے کی سفارش کی تقرری کے بعد جسٹس چندر چوڑ ہندوستان کے 50ویں چیف جسٹس بن جائیں گے وہ 10 نومبر 2024 کو ریٹائر ہوں گے سپریم کورٹ کی روایت کے مطابق عام حالات میں سینئر ترین جج کو چیف جسٹس بنانے کی روایت رہی ہے۔ اس سلسلے میں جسٹس للت کے بعد جسٹس چندر چوڑ آتے ہیں۔
جسٹس للت نے 27 اگست 2022 کو ہندوستان کے 49ویں چیف جسٹس کے طور پر حلف لیاتھا۔ وہ 74 دنوں کی اپنی مختصر مدت کار کے بعد 8 نومبر 2022 کوریٹائر ہونے والے ہیں۔ جسٹس للت کو اپنے جانشین کے نام کی سفارش کرنے کے لئے مرکزی حکومت کی وزارت قانون و انصاف نے 7 اکتوبر کو ایک خط بھیجا تھا۔