ملک میں ژالہ باری اور بارش کی پیشن گوئی

نئی دہلی، 19 فروری (یو این آئی) ہندوستانی محکمہ موسمیات (آئی ایم ڈی) نے 21 فروری تک ملک کے مغربی ہمالیائی علاقے اور شمال مغربی ہندوستان کے میدانی علاقوں میں 60 کلومیٹر فی گھنٹہ کی رفتار سے ہواؤں کے ساتھ ژالہ باری اور بارش کی پین گوئی کی ہے۔
محکمہ موسمیات کے مطابق دو ویسٹرن ڈسٹربنس کے اثرات کے باعث 19 سے 21 فروری تک مغربی ہمالیہ کے علاقے میں ہلکی سے درمیانی بارش اور برف باری کا امکان ہے۔ جموں و کشمیر، لداخ، گلگت، مظفرآباد اور ہماچل پردیش میں آج اور کل اور آج اتراکھنڈ میں چند مقامات پر موسلادھار بارش اور برفباری کا امکان ہے۔
19 اور 21 فروری کو ہماچل پردیش، اتراکھنڈ، پنجاب، ہریانہ، چندی گڑھ، مغربی اتر پردیش، راجستھان اور مشرقی اتر پردیش میں الگ تھلگ مقامات پر 60 کلومیٹر فی گھنٹہ کی رفتار اور گرج چمک کے ساتھ ہوائیں چلنے کے آثار ہیں۔