سچ بولنے پر مجھے جان سے مارنے کی دھمکیاں مل رہی ہیں: دانش علی

نئی دہلی، 07 فروری ( یواین آئی) لوک سبھا ممبر پارلیمنٹ کنور دانش علی نے کہا کہ انہیں سچ بولنے سے روکنے کی دھمکی دی جارہی ہے۔امروہہ سیٹ سے ایم پی کنور دانش علی نے آج ایکس پر یہ جانکاری دی۔ انہوں نے کہا تم مجھے کتنا ڈراو گے؟ کل کسی نے میرے دفتر میں فون کرکے مجھے ڈرانے کی کوشش کی اور جان سے مارنے کی دھمکی دی! یہ کیسی مایوسی ہے؟”
انہوں نے کہا کہ ہندوستانی جمہوریت میں یقین رکھنے والا یہ کام نہیں کر سکتا۔
ایسے سماج دشمن عناصر صرف یہ چاہتے ہیں کہ میں سچ نہ کہوں! یہ تھوڑا مشکل ہے۔”انہوں نے انسٹاگرام پر ایک فون ریکارڈنگ بھی جاری کی جس میں کوئی اسے گالی دے رہا ہے۔