جامعہ ملیہ اسلامیہ کے آفیشیل کوئز کلب نے کیا نام روشن

نئی دہلی(ہندوستان ایکسپریس ویب ڈیسک): جامعہ ملیہ اسلامیہ کے آفیشیل کوئز کلب کوئزنیٹو نے تازہ ترین یووا مہا اتسو دوہزار تیئس میں یونیورسٹی کا نام روشن کیا ہے۔قابل ذکر ہے کہاایسو سی ایشن انڈین یونیورسٹیز (اے آئی یو)کے زیراہتمام مہارشی مرکنڈیشور یونیورسٹی،ملانا،امبالا ہریانہ نے چوبیس تا اٹھائیس جنوری دوہزارتئیس کو چھتیسویں انٹر یونیورسٹی نارتھ ویسٹ زول یوتھ فیسٹول منعقد کیا تھاجس میں جامعہ کی ٹیم نے پہلی پوزیشن حاصل کی ہے۔یہ جانکاری تعقات عامہ کے دفتر سے جاری ریلیز میں دی گئی ہے۔
جامعہ کی ٹیم شعبہ معاشیات کے فواس،سول انجنئرنگ کے رجیب الاول ا ور مینجمنٹ اسٹڈیز اشیش کمارپر مشتمل تھی اس ٹیم کو تحریری اور اورل آڈیو اور ویڈیو سوالات کے دونوں مرحلوں میں فاتح قراردیا گیا تھا۔ ٹیم نے پروفیسر نجمہ اختر شیخ الجامعہ جامعہ ملیہ اسلامیہ کے ساتھ پروفیسر ناظم حسین الجعفری،مسجل جامعہ ملیہ اسلامیہ، ڈین،اسٹوڈینٹس ویلفیر (ڈی ایس ڈبلیو)جے ایم آئی سے ملاقات کی۔شیخ الجامعہ نے ٹیم کو مبارک باد دی اور مستقبل کے لیے نیک خواہشات کا اظہار کیا۔
اس نوع کے انتہائی معیاری اور سخت مقابلہ جاتی کوئز میں جامعہ کی ٹیم نے اپنی صلاحیتوں کا لوہا منوایا جو ان کی ذہانت و ذکاوت کی گواہ ہے۔یہ کہنے کی چنداں ضرورت نہیں کہ اس سے جامعہ کے کوئز کلب میں جان ٓآجائے گی۔ جامعہ ٹیم کو نارتھ ویسٹ زون میں تیسری بہترین ادبی ٹیم بھی قرار دیا گیا ہے۔
بنگالور کی جین یونیورسٹی میں چوبیس سے اٹھائیس فروری دوہزار تئیس کو منعقد ہونے والے نیشنل یوتھ فیسٹ میں یہ ٹیم نارتھ ویسٹ زون کی نمائندگی کرے گی۔ کوئزینٹو کے کنوینر پروفیسر ایم کے بنی جو طلبا کے بطور ٹیم مینجر تشریف لائے تھے انھوں نے اس موقع پراظہار خیال کرتے ہوئے کہا کہ’یہ دیکھ کر خوشی ہوتی ہے کہ ایسی ذہانتیں اپنے کام میں مصروف ہیں اور مجھے پوری ٹیم پر فخر ہے۔‘