مجیدیہ یونانی اسپتال کی جانب سے جا معہ نگر میں مفت طبی کیمپ کا انعقاد

نئی دہلی:جامعہ ہمدرد کے اسکول آف یونانی میڈیکل ایجوکیشن اینڈ ریسرچ کے ڈپارٹمنٹ آف عین اذن انف و حلق و ڈپارٹمنٹ آف جراہیات کے زیر نگرانی اور مجیدیہ یونانی ہاسپیٹل کے تعاون سے مورخہ ۲۰ مئی۲۰۲۳کو حسینی ہال ،نور نگر ایکسٹینسن، اوکھلا، جامعہ نگر میں مفت میڈیکل ہیلتھ کیمپ منعقد کیا گیا۔ اسمیں ڈپارٹمنٹ آف جراہیات کے پروفیسر ایس ایم عارف زیدی اور ڈاکٹر منہاج احمد ، ڈپارٹمنٹ آف عین اذن انف و حلق کے ڈاکٹر زہرا زیدی، ڈاکٹر عبدالناصر اور مجیدیہ یونانی اسپتال کی مشہور ڈاکٹرشہلا نذیر نے علاج و معالجہ کا فریضہ انجام دیااور ڈاکٹر مصباح انصاری، ڈاکٹر زیبا سیف،احمد ضیا، محمد مقیم و ساتھی اور محمد ساجد نے بھرپور تعاون کیا۔ اس کیمپ میں مریضوں کی کثیر تعداد تھی جن میں بلڈ پریشر، ذیابیطس شکری، ورم مفاصل ،جوڑوں کے درد، دمہ،بواسیر، قبض و اسہال، ورم کبد، گردے کی پتھری، آنکھوں سے پانی آنا، بینائی کا کمزور ہونا، کیٹیریکٹ و گلوکوما ، وجع الاذن ، ضعف سماعت و پائیریاکے مریض پائے گئے۔ اس کیمپ میں مریضوں کا عمومی امتحان جیسے ٹیمپریچر ، بلڈپریشر، وزن کیا گیا نیز مفت جانچ جیسے بلڈ شوگر ٹیسٹ، ویزن ٹیسٹ کئے گئے جس سے مریضوں میں خوشی کی لہر تھی۔ اس میں مریضوں کو مفت ادویہ بھی تقسیم کی گئی۔ اس کیمپ کا مقصد یونانی طریقہ علاج کو عام لوگوں تک پہنچانااور اپنی تاثیر کی طرف مرغوب کرناتھا۔