ممبئی 5 جون (یو این آئی) لوک سبھا انتخابات کے نتائج کے بعد ایک دن بعد مہاراشٹر کے نائب وزیر اعلی دیویندر فڑنویس نے بدھ کو انتخابات میں بی جے پی کی کمزور کارکردگی کی اخلاقی ذمہ داری قبول کرتے ہوئے اپنے عہدے سے استعفیٰ دینے کی پیشکش کرتے ہوئے پارٹی کی ناقص کارکردگی کا تذکرہ کرتے ہوئے اعتراف کیا کہ دوران انتخابات اقلیتوں میں ان کی پارٹی کے تعلق سے جو غلط فہمیاں پھلائی گئی تھی اسکا ازالہ کرنے میں ہماری ناکامی بھی بی جے پی امیدواروں کی مختلف حلقہ انتخاب میں شکست کی وجہ بنی ۔
میڈیا سے خطاب کرتے ہوئے فڑنویس نے کہا کہ کسانوں کے مسائل مراٹھا ریزویشن اور دیگر معاملات میں بھی ہم رائے دہندگان کو مکمل طور پر مطمئن نہیں کرسکیں۔فڑنویس نے مزید کہا کہ ریاست میں پارٹی کی کمان انکے ہاتھوں میں تھی نیز جو نتائج ظاہر ہوئے اسکی ذمہ داری لیتے ہوئے انہوں نے وزیراعلی ایکناتھ شندئے کو اپنے عہدئے سے مستعفی ہونے کی پیشکش کی ہے تاکہ وہ اپنے عہدئے سے دست بردار ہو کر پارٹی کومضبوط بنانے کا کام کرسکیں ۔
"میں مہاراشٹر میں ظاہر ہوئے نتائج کی ذمہ داری لیتا ہوں۔ میں پارٹی کی قیادت کر رہا تھا۔ میں بی جے پی ہائی کمان سے درخواست کر رہا ہوں کہ وہ مجھے حکومت کی ذمہ داری سے فارغ کریں تاکہ میں آنے والے انتخابات میں پارٹی کے لئے سخت محنت کر سکوں،” فڈنویس نے کہا۔
عوام کے درمیان دوبارہ آنے کے لیے ایک نئی حکمت عملی تیار کرنے کا یقین دلاتے ہوئے، فڑنویس نے کہا، "… یہ شکست جو مہاراشٹر میں ہوئی، ہماری سیٹیں کم ہوگئیں، اس کی ساری ذمہ داری میری ہے۔ اس تعلق سے جو کمیاں ہوئ ہیں اسے پورا کرنے کی کوشش کروں گا میں بھاگنے والا شخص نہیں ہوں۔بی جے پی کی مہاراشٹر اکائی کی ایک میٹنگ بھی آج ممبئی میں منعقد ہوئی جس میں نائب وزیراعلی ایم فڈنویس، سمیت پارٹی کی ریاستی اکائی کے سربراہ چندر شیکھر باونکولے ؛ راجیہ سبھا ایم پی اشوک چوہان اور دیگر لیڑران نے شرکت کی جسکے دوران پارٹی کی خراب کارکردگی کا تجزیہ کیا گیا اور اس سے متعلق بات چیت کی گئی۔
