لکھنؤ(پریس ریلیز ) علامہ شبلی نعمانی میمور یل میں میڈیکل ہیلپ لائن کے زیراہتمام ایک مفت طبی کیمپ کا انعقاد اندرا نگر میںکیا گیا۔یہ جانکاری کنوینرمحمدادریس نے ایک بیان میں دی ہے۔اس پروگرام میں مہمان خصوصی کے طور پرآنکھوں کے ماہر سرجن ڈاکٹرسعید احمد نے شرکت کی۔ نظامت کے فرائض ڈاکٹرمسیح الدین نے ا نجام دئے۔انہوں نے کہاکہ یہ کیمپ نعمان اعظمی کی کاوشوں سے چل رہاہے ،نعمان اعظمی نے ہمیشہ بے لوث خدمت کی ہے۔
پروگرام کاآغاز قاری ادریس کی تلاوت کلام پاک سے ہوا۔اس موقع پر مہمان اعزازی کی حیثیت سے ڈاکٹرفرید احمدنے شرکت کی اورکیمپ میں دیگرمہمان ڈاکٹروں نے اپنے خیالات کااظہار کرتے ہوئے کہا کہ ہم لوگوں کو چاہیے کہ ہم لوگ اپنی صحت کیلئے بیدار رہیں اوراپنی آنکھوں کی حفاظت کریں کیونکہ جسم کے تمام اعضاء میں سے آنکھ کی بہت اہمیت ہے اورہم کواس کیلئے بیدار رہناہوگا۔
کیمپ کو کامیاب بنانے میں نعمان اعظمی کے علاوہ حشمت علی اور اشرف علی نے اہم کردار ادا کیا۔ کیمپ کے اراکین نے مختلف اضلاع سے آئے تمام مریضوں کو مفت دوائیں اورچشمے تقسیم کرکے ان کا شکر یہ ادا کیا۔ آخیر میں تنظیم کے کنوینر محمدادریس نے کیمپ کی کامیابی پر تمام اراکین کا شکر یہ ادا کیا ۔
