ممبئی میں معمول سے پانچ ڈگری زیادہ سردی ریکارڈ کی گئی

ممبئی(یواین آئی)ممبئی میں موسم معمول سے پانچ ڈگری سردہوچکا ہے،جںکہ آئندہ دو دنوں میں درجہ حرارت میں اضافہ کی توقع کی گئی ہے۔ممبئی میں گزشتہ روز معمول سے تقریباً پانچ ڈگری سرد رہا، پچھلے کچھ دنوں کے رجحان کو مدنظر رکھتے ہوئے بدھ اور جمعرات کو شہر میں زیادہ سے زیادہ درجہ حرارت 26 ڈگری سیلسیس اور کم سے کم 15.6 ڈگری سیلسیس رہا۔ دفتر موسمیات کےماہرین کے مطابق کہ شہر آئندہ دو دنوں میں گرم ہو جائے گا، لیکن ہفتے کے آخر میں ایک اور گراوٹ کا سامنا کرنا پڑے گا۔
کہاگیا ہے کہ شہر میں جمعرات اور جمعہ کو درجہ حرارت بڑھنے کا امکان ہے، کیونکہ مغربی ہواؤں کے اثرات ہواؤں میں اضافہ اور شمال سے سرد ہوائیں محدود ہیں۔ پہلے ہی شہر میں کم از کم درجہ حرارت میں معمولی اضافہ ہوا ہے شہر میں منگل کو 14.8 ڈگری سیلسیس سے بدھ کو 15.6 ڈگری سیلسیس۔” ہندوستان کے محکمہ موسمیات (آئی ایم ڈی) کی پیشین گوئی کے مطابق، شہر میں رات کا درجہ حرارت 14.8 ڈگری سیلسیس تک پہنچ جائے گا۔ ہفتہ تک درجہ حرارت 18 ڈگری سیلسیس جس کے بعد اتوار کو پھر گرے گا۔ شہر میں ہوا کی رفتار 11 کلومیٹر فی گھنٹہ سے 15 کلومیٹر فی گھنٹہ کے درمیان رہی اور ہوا میں نمی کا تناسب 72 ریکارڈ کیا گیا۔
تاہم، ممبئی کے برعکس، مہاراشٹر کے دوسرے شہروں میں دن کا درجہ حرارت زیادہ ریکارڈ کیا جاتا ہے۔ پونے میں زیادہ سے زیادہ درجہ حرارت 30.4 ڈگری سیلسیس اور کم سے کم درجہ حرارت 13.5 ڈگری سیلسیس ریکارڈ کیا گیا۔ ناسک میں زیادہ سے زیادہ درجہ حرارت 26.7 ڈگری سیلسیس اور کم سے کم درجہ حرارت 12.6 ڈگری سیلسیس ریکارڈ کیا گیا۔