اسلام آباد، 02 اگست (یو این آئی) پاکستان نے ہندوستان اور افغانستان کو ویزا فری انٹری والے دوست ممالک کی فہرست سے باہر رکھا ہے۔ٹریبیون ایکسپریس کی رپورٹ کے مطابق حکومت پاکستان نے دوست ممالک کے شہریوں اور تاجروں کے لیے ویزا فری انٹری اسکیم سے ہندوستان اور افغانستان کو باہر رکھے جانے کا اعلان کیا ہے۔پاکستان کی وزارت داخلہ نے سیکیورٹی وجوہات کا حوالہ دیتے ہوئے پابندی کا اعلان کیا اور بودھوں اور سکھوں کے لیے مذہبی سیاحت کو سہولت فراہم کرنے کی ضرورت پر زور دیا۔
رپورٹ میں کہا گیا ہے کہ وزارت نے نیشنل ڈیٹا بیس رجسٹریشن اتھارٹی (این ڈی آر اے) کے تحت تمام حفاظتی اقدامات پر عمل درآمد کی یقین دہانی کرائی ہے۔
رپورٹ کے مطابق وزارت نے کہا کہ فیڈرل انویسٹی گیشن ایجنسی (ایف آئی اے) اور فیڈرل بورڈ آف ریونیو (ایف بی آر) کو بین الاقوامی ہوائی اڈے پر پاکستان کا اچھا امیج بنانے کے لیے خصوصی ہدایات دی گئی ہیں تاکہ ایک خوش آئند امیج اور مثبت ماحول بنایا جا سکے۔کابینہ نے کہا کہ الیکٹرانک اقدام کا مقصد کم سے کم انسانی رابطے کی سہولت فراہم کرنا ہے۔رپورٹس کے مطابق نئے الیکٹرانک ٹریول پلاننگ فارم کا تعارف محدود معلومات کے ساتھ مطلوبہ فیلڈز کو 161 سے کم کر کے 31 تک کر دیتا ہے۔ نئے ویزا قوانین کے تحت پیچیدہ کیسز کے لیے درکار وقت کی مدت 30 منٹ سے 24 گھنٹے تک ہے۔
