حیدرآباد میں ریوپارٹی پر پولیس کا چھاپہ، فلم پروڈیوسرسمیت بیشتر افراد پکڑے گئے

حیدرآباد 31اگست(یواین آئی) شہرحیدرآباد کے مادھاپور علاقہ میں پولیس نے ریوپارٹی پر چھاپہ مارا جو ایک اپارٹمنٹ میں جاری تھی۔پولیس نے اس سلسلہ میں ایک فلم پروڈیوسر اور بیشتر دیگر افرادبشمول خواتین کو پکڑلیا۔پولیس نے ان کے قبضہ سے منشیات کے ساتھ ساتھ شراب کی بوتلیں بھی ضبط کیں۔ان تمام کو پولیس اسٹیشن منتقل کردیاگیا۔پولیس نے اس سلسلہ میں ایک معاملہ درج کرکے جانچ شروع کردی۔ پولیس کو پتہ چلا کہ ریو پارٹی کا اہتمام پروڈیوسر وینکٹ نے کیا تھا۔ گوا سے منشیات لائی گئی تھیں۔ نارکوٹکس بیورو 3 ماہ سے وینکٹ کی نقل و حرکت پر نظر رکھے ہوئے تھا۔اس کے ڈرگ مافیا کے ساتھ روابط کی تحقیقات کی جارہی ہے۔ معلوم ہوا کہ وہ منشیات کے لیے واٹس ایپ پر چیٹنگ کر رہا تھا۔