مخدوم اشرف عربک ا سکول میں مفت میڈیکل کیمپ کا انعقاد

لکھنؤ(پریس نوٹ):مورخہ 12 مارچ 2023 کو مشن کے بانی و قومی صدر حضرت سید ایوب اشرف کچھوچھوی کی سرپرستی میں چوتھا مفت صحت کیمپ مخدوم اشرف عربک اسکول، شیوم بھٹے کے سامنے غوثیہ جامع مسجدآدرش نگر، کیمپل روڈ، بالا گنج، لکھنؤ میں منعقد ہوا۔ جس میں ایرا لکھنؤ میڈیکل کالج کے ماہر ڈاکٹر مونیکا سیٹھ، ڈاکٹر یعسوب عباس، ڈاکٹر نیلم، ڈاکٹر شیکھا، ڈاکٹر عالیہ، ڈاکٹر سیف رضا خان اشرفی نے شرکت کی۔ اس کے علاوہ سی مشرا، مسٹر رتیش، مسٹر نفیس، مسٹر انوپ، مسٹر امروتنش وغیرہ مختلف شعبہ جات کے ڈاکٹروں نے مریضوں کا علاج کیا۔آج کا کیمپ صبح 11بجے سے شام 4 بجے تک جاری رہا۔
اس مفت ہیلتھ کیمپ میں تقریباً 101 مریضوں نے اپنا علاج کروایا، ساتھ ہی تقریباً 70 مریضوں کے خون کی جانچ، 30 مریضوں کا الٹراساؤنڈ، 6 مریضوں کا ایم آر آئی، 18 مریضوں کا سٹی ا سکین مفت کیا گیا۔آل انڈیا محمدی مشن کے بانی اور قومی صدر حضرت سید ایوب اشرف نے ڈاکٹروں کی تمام ٹیم اور ایرا میڈیکل کالج کے ڈائریکٹر جناب محسن علی خان کا شکریہ ادا کیا اور کہا تنظیم سماج کے غریبوں اور ضرورت مندوں کے تئیں کتنی بیدار ہے۔
حضرت سید بابر اشرف یوتھ سرپرست آل انڈیا محمدی مشن نے کہا کہ جس طرح سے ایرا کالج اس طرح کے میڈیکل کیمپس کا اہتمام کر رہا ہے اور تمام مذاہب اور فرقوں کے لوگوں کے لئے مفت علاج کا انتظام کر رہا ہے، موجودہ حالات میں اس کی اشد ضرورت ہے۔ سید محمد احمد میاں یوتھ صدر آل انڈیا محمدی نے کہا انڈیا محمدی مشن کے زیر اہتمام اتوار، 19 مارچ 2023 کو، اس جگہ پر پانچواں مفت طبی کیمپ کا انعقاد کیا جائے گا۔