سینسیکس اور نفٹی میں ایک فیصد اضافہ

ممبئی، 18 اکتوبر (یو این آئی) برطانوی حکومت کے ٹیکس میں تخیف کے منصوبے کی وجہ سے عالمی مارکیٹ میں آئی تیزی سے پرجوش سرمایہ کاروں کی مقامی سطح پر چوطرفہ خریداری کی وجہ سے اسٹاک مارکیٹ آج ایک فیصد بڑھ کر ایک ماہ کی بلند ترین سطح پر پہنچ گئی۔بی ایس ای کا 30 حصص کا حساس انڈیکس سینسیکس 549.62 پوائنٹس کی چھلانگ لگا کر 58960.60 پوائنٹس کی ایک ماہ کی بلند ترین سطح پر پہنچ گیا۔ اس سے پہلے یہ 16 ستمبر کو 58840.79 پر تھا۔ اسی طرح نیشنل اسٹاک ایکسچینج (این ایس ای) کا نفٹی 175.15 پوائنٹس کے اضافے سے 17486.95 پر پہنچ گیا۔ بڑی کمپنیوں کی طرح بی ایس ای کی درمیانی اور چھوٹی کمپنیوں میں بھی زبردست خریدار دیکھنے میں آئی، جس کی وجہ سے مڈ کیپ 1.06 فیصد چھلانگ لگا کر 25,037.77 پوائنٹس اور اسمال کیپ 0.71 فیصد بڑھ کر 28,750.60 پوائنٹس پر پہنچ گیا۔
اس عرصے کے دوران بی ایس ای پر کل 3565 کمپنیوں کے حصص کا کاروبار ہوا جن میں سے 2069 میں اضافہ، 1368 میں کمی جبکہ 128 میں کوئی تبدیلی نہیں ہوئی۔ اسی طرح این ایس ای میں 39 کمپنیاں سبز رہیں جبکہ باقی 11 سرخ نشان پر رہیں۔
بی ایس ای کے تمام 19 گروپوں میں خرید مضبوط رہی۔ اس مدت کے دوران سی ڈی 1.06، ارجا 1.13، ایف ایم سی جی 1.22، ٹیلی کام 1.40، یوٹیلٹیز 1.46، آٹو 1.50، کیپٹل گڈز 1.97، پاور 1.46، ریئلٹی 1.76، آئی ٹی 0.67 اور ٹیک گروپ میں 1.04 فیصد اضافہ ہوا۔
برطانیہ کا ایف ٹی ایس ای 0.84 فیصد اضافے کے ساتھ 6,978.34 کی ایک ہفتے کی بلند ترین سطح پر پہنچ گیا۔ اسی طرح جرمنی کے ڈی اے ایکس 1.06، جاپان کے نکیئی 1.42 اور ہانگ کانگ کے ہینگ سینگ میں 1.82 فیصد جبکہ چین کے شنگھائی کمپوزٹ میں 0.13 فیصد کمی ہوئی۔