تونیشا کوشیزان خان اسلام قبول کرانا چاہتا تھا،ماں کا الزام

ممبئی(ایجنسیاں)تیونشا شرما کیس میں شیزان خان کی پولیس حراست میں مزید ایک دن کی توسیع کر دی گئی۔ تیونشا کی والدہ نے پریس کانفرنس میں شیزان خان پر کئی سنگین الزامات عائد کیے ہیں۔ ان کا کہنا ہے کہ شیجان ہی نے تونیشا کو پھانسی کے پھندے سے نکالا اور اس کے بعد ایمبولینس نہیں بلائی۔ ان کا کہنا ہے کہ یہ قتل بھی ہوسکتا ہے۔ اس نے کہا ہے کہ شیزان تیونشا کو اسلام قبول کرانا چاہتا تھا۔ اس نے یہ بھی بتایا کہ شیزان کی بہن تیونشا کو ہر روز درگاہ لے جاتی تھی۔تیونشا کی والدہ نے بتایا کہ ان کی بیٹی کے رویے میں تبدیلی آنے لگی تھی۔ وہ شیزان کی ماں کو اماں اور بہنوں کو اپی کہنے لگی تھی۔ شیزان نے شادی کا وعدہ کیا تھا اور اسے اسلام قبول کرنے پر اکساتا تھا۔ اس نے شیزان کی بہنوں اور ماں کو ہزاروں سے لے کر ایک لاکھ تک کے تحائف دیے تھے۔ ادھر آنجہانی نوجوان اداکارہ تونیشا شرما کی موت سے متعلق مہاراشٹرا پولیس کو اہم ثبوت ملنے کا دعویٰ کیا جارہاہے۔ میڈیا رپورٹ کے مطابق 20 سالہ تونیشا شرما کی موت سے قبل شیزان خان سے شدید نوعیت کی بحث ہوئی، اس واقعے کی سی سی ٹی وی فوٹیج پولیس کو مل گئی ہے۔تونیشا شرما موت کیس میں پولیس نے سی سی ٹی وی فوٹیج برآمد کرلی اور کہا کہ آنجہانی اداکارہ کی موت سے قبل ساتھی اداکار اور سابق بوائے فرینڈ شیزان خان سےشدید بحث ہوئی تھی۔
پولیس جو تونیشا شرما کی موت کی مختلف حوالوں سے تحقیقات کررہی ہے، اُس نے دونوں کی موبائل فون چیٹ کے بعد سی سی ٹی وی فوٹیج حاصل کرلی ہے۔
تونیشا شرما نے 24 دسمبر کو ٹی وی شو علی بابا داستان کابل کے سیٹ پر خودکشی کی، جس کے اگلے ہی دن اُس کے سابقہ بوائے فرینڈ شیزان خان کو پولیس نے خودکشی پر اکسانے کے الزام میں حراست میں لے لیا۔عدالت نے ملزم کا پہلے 4 دن کا ریمانڈ دیا اور پھر اس میں مزید 2 دن کی توسیع کی جو آج ختم ہوگئی لیکن کورٹ نے پولیس کی استدعا پر تحویل میں ایک دن کا اضافے کردیا۔اس سے پہلے پولیس کہہ چکی ہے کہ تونیشا شرما کے اہلخانہ نے قتل کی تحقیقات کرنے کی درخواست دی ہے، اداکارہ کی والدہ کا بیان ریکارڈ کیا گیا ہے۔
تونیشا شرما نے خودکشی سے کچھ دیر پہلے کس سے بات کی تھی؟
یہ بات پہلے ہی سامنے آچکی ہے تونیشا شرما اور شیزان کے تعلقات کے تھے، اداکارہ کی موت سے چند دن پہلے دونوں میں بریک اپ ہوگیا تھا۔دوسری طرف اس حوالے سے تونیشا کی والدہ کا موقف ہے کہ شیزان نے اداکارہ کو دھوکا دیا، اُس نے اسے منشیات پر لگایا۔
شیزان کی بہن فلک ناز نے ایک بیان میں کہا کہ وہ تمام الزامات کے جلد ہی جواب دیں گی، فی الحال ہماری ترجیح ہمارا بھائی ہے، جو پولیس کی تحویل میں ہے۔