کوئی نہیں ہے سیکو لر پارٹی ،مغالطے میں نہ رہیں مسلمان : ڈاکٹر شیخ سراج بابا

لکھنؤ:راشٹریہ متداتا پارٹی کے قومی صدر ڈاکٹر شیخ سراج بابا نے آج معروف شیعہ عالم دین مولانا کلب جوادصاحب سے ان کی رہائش گاہ پر ملاقات کی ۔وہیں دوسری جانب ڈاکٹر بابا نے جاری اپنے بیان میں کہا کوئی نہیں ہے سیکولر پارٹی اس مغالطے میں مسلمان نہ رہیں ۔ ملک میں سبھی پارٹیاں اپنے کو سیکو لر کہتی ہیں ۔لیکن سیکولر پارٹی کو ئی نہیں ہے ۔ جناب بابا نے کہا 73 سالوں صرف سیکولر نام کا ناجائز استعمال کرتے ہو ئے مسلمانوں کو ٹھگنے اور ان کے مستقبل سے کھلواڑ کرنے کا کام کیاجارہا ہے ۔ ان مبینہ سیکو لر پارٹیوں نے چاہے وہ تعلیم ہو ، نوکری ہو ، فوج میں بھرتی کا معاملہ ہو ، اقتدار میں حصہ داری ہو ، تحفظ ، صحت ، اور عبادت گاہوں کی حفاظت کا معاملہ ہو ،یا مسلمانوں کی مآب لیچنگ کا معاملہ ہو ، سبھی معاملوں میں نام نہاد پارٹیوں نے کنارہ کشی اختیار کیا ہے ۔ اس لئے وقت آگیا ہے ان نام نہاد پارٹیوں کو جواب دیا جائے ۔