تلنگانہ کے الیکشن کیلئے بی جے پی کے امیدواروں کی تیسری فہرست جاری

حیدرآباد۔ 2نومبر (یو این آئی) بی جے پی نے تلنگانہ اسمبلی انتخابات کے سلسلہ میں اپنی 35 امیدواروں پر مشتمل تیسری فہرست جاری کردی ہے۔ پارٹی نے پہلے ہی 53 امیدواروں کے ناموں کا اعلان کردیا ہے۔ آج اعلان کردہ امیدواروں کے منجملہ جملہ امیدواروں کی تعداد 88 ہوگئی ہے بقیہ امیدواروں کی فہرست جلد ہی جاری کی جائے گی۔ اس سلسلہ میں اداکار سے سیاست داں بنے پون کلیان کی جناسینا پارٹی سے اتحاد کے سلسلہ میں بات چیت جاری ہے۔ پارٹی کی مرکزی الیکشن کمیٹی نے امیدواروں کے ناموں کو حتمی شکل دی۔ اس اجلاس میں پارٹی کے قومی صدر جے پی نڈا، وزیراعظم مودی اور مرکزی وزیر داخلہ امیت شاہ نے شرکت کی۔ پارٹی نے پسماندہ طبقات کے امیدواروں کو زیادہ نشستیں الاٹ کی ہیں جب کہ ایس سی، ایس ٹی امیدواروں کو بالترتیب 5 اور 3 نشستیں الاٹ کی گئی ہیں۔ ایک ٹکٹ خاتون کو حضورنگر سے دیا گیا۔ پارٹی کے امیدواروں کی تفصیلات اس طرح ہیں۔ حلقہ منچریال سے وی رگھوناتھ، حلقہ آصف آباد سے اجمیرا آتمارام نائک، بودھن سے وی موہن ریڈی، بانسواڑہ سے ایم لکشمی نارائن، نظام آباد رورل سے ڈی کلچاری، منتھنی سے سنیل ریڈی، میدک سے وجے کمار، نارائن کھیڑ سے جے سنگپا، اندول سے بابو موہن، ظہیرآباد سے رامچندرراجو، اوپل سے این وی ایس پربھاکر، ایل بی نگر سے ایس رنگاریڈی، راجندرنگر سے ٹی سرینواس ریڈی، چیوڑلہ سے کے ایس رتنم، پرگی سے بی این کرن، مشیرآباد سے پی راجو، ملک پیٹ سے ایس سریندرریڈی، عنبرپیٹ سے کرشنایادو، جوبلی ہلز سے ایس دیپک ریڈی، صنعت نگر سے ایم ششی دھرریڈی، سکندرآباد سے ایم سارنگاپانی، نارائن کھیڑ سے کے آر پانڈوریڈی، جڑچرلہ سے چترنجن داس، مکتھل سے جالندھرریڈی، ونپرتی سے اشوک تھاماریڈی، اچم پیٹ سے ڈی ایس مادیگا، شادنگر سے اے بابیا، دیورکنڈہ سے کے ایل نائک، حضورنگر سے سی سری لتاریڈی، نلگنڈہ سے این سرینواس گوڑ، آلیر سے پی سرینواس، پرکال سے پی کے پرساد راو، پیناپاکا سے پی بالاراجو، پالیر سے این روی کمار اور ستوپلی سے ایس رامالنگیشورراو شامل ہیں۔