بنگلہ دیشی رکن پارلیمنٹ کے قتل کیس میں گرفتار تین افراد زیرحراست

ڈھاکہ، 24 مئی (یو این آئی) بنگلہ دیش میں ڈھاکہ کی ایک عدالت نے ڈھاکہ میٹروپولیٹن پولیس (ڈی ایم پی) کی جاسوسی برانچ (ڈی بی) کو جھنیداہ-4 کے رکن پارلیمنٹ انوار العظیم انار کے قتل میں ملوث ہونے کے الزام میں گرفتار تین افراد کو آٹھ دن کی ریمانڈ پر پر بھیجنے کا حکم دیا۔بنگلہ دیش کے اخبار ڈھاکہ ٹریبیون نے یہ اطلاع دی۔ ڈھاکہ میٹروپولیٹن مجسٹریٹ دلربہ افروز تیتھی نے ریمانڈ کی مدت منظور کر لی۔گرفتار ہونے والوں میں امان اللہ امان، سلستا رحمان اور فیصل علی شامل ہیں۔ڈھاکہ ٹریبیون نے ڈی بی کے واری ڈویژن کے ایڈیشنل ڈپٹی کمشنر شاہد الرحمان کا حوالہ دیتے ہوئے جمعہ کو اس معلومات کی تصدیق کی۔اخبار نے اطلاع دی ہے کہ اس سے قبل ڈی بی نے گرفتار افراد سے پوچھ گچھ کے لیے 10 دن کے ریمانڈ کی درخواست کی تھی۔اخبار کے مطابق رکن اسمبلی انار کے قتل میں گرفتار تینوں کو جمعہ کو عدالت میں پیش کیاجائے گا 10 روزہ ریمانڈ کی استدعا کی جائے گی۔