ماحول خراب کرنے والوں کو ریلی کی اجازت نہ دینے کا ابوعاصم اعظمی کا مطالبہ

ممبئی:ممبئی ممبئی ممبئی سے متصلہ تھانہ ممبرا میں اپریل کو ہندو دھرم سبھا اور ہندوسرکل سماج سے مہاراشٹر اور ملک میں ہندوؤں اور مسلمانوں میں نفرت پیدا کرنے کی کوشش کی جارہی ہے 30 اپریل کو منعقدہونے والی اس ریلی اور سبھا سے مسلمانوں میں بے چینی اور اضطراب ہے اس لئے اس دھرم سبھا کو اجازت نہ دی جائے اس قسم کا مطالبہ آج یہاں رکن اسمبلی اور ایس پی لیڈر ابوعاصم اعظںمی نے وزارت داخلہ کے سکریٹری سنجے سکسینہ سے مکتوب ارسال کرکے کیا ہے ۔ اعظمی نے کہا کہ ہندو جن آکروش سمیت دیگر ریلیوں سے سماج اور معاشرے میں نفرت کا ماحول پیدا کیاجارہا ہے اس میں فرقہ مخصوص کے خلاف جم کراشتعال انگیزی کی جاتی ہے اوراکثریت کو اقلیتوں کے خلاف ورغلاجاتاہے اس دھرم سبھا میں لوجہاد ۔ لینڈجہاد کے موضوع پر اشتعال انگیزیوں کا اندیشہ ہے سرکل ہندو سماج کے اس انعقاد سے شہر میں نظم و نسق کا مسئلہ پیدا ہونےکا خطرہ ہے اس لئے اس پر پورا پابندی عائد ہو اور اس قسم کی ریلیوں کو اجازت نہ دی جائے اعظمی نے اپنے مکتوب کے ہمراہ جمعیتہ علما ممبرا کا بھی مکتوب ارسال کیا ہے جس میں اس نمائندہ جماعت نے بھی تشویش کا اظہار کیا ہے ۔اعظمی نے کہا کہ اس ریلی کے پمفلٹ بھی متنازع اور قابل اعتراض ہے اس لئے یہ بھی ضبط کیا جائے ۔